जेष्ठ २४, २०७३- कांग्रेस सभापति शेरबहादुर देउवाले ठूलो दलको हैसियतले संविधान कार्यान्वयनको जिम्मेवारी आफ्नो पार्टीको काँधका आएको बताएका छन् ।
सोमबार भक्तपुरमा सहिद राधेश्याम जोन्छे स्मृति प्रतिष्ठानको चौथो वार्षिक स्मृति सभाको उद्घाटन गर्दै देउवाले भने, ‘संविधान कार्यान्वयन सजिलो छैन, संविधान कार्यान्वयनका लागि स्थानीय निकायको निर्वाचन हुनुपर्छ ।’
संसदीय निर्वाचन र राष्ट्रिय सभाको निर्वाचनपछि मात्र संविधानको कार्यान्वयन हुने उनले बताए ।
संविधान कार्यान्वयनमा सरकारले चासो नदिएको बताउँदै देउवाले भने, ‘ओली नेतृत्वको सरकार झूटो आश्वासन मात्रै बाँडेर बसेको छ ।’
ओली सरकारलाई निर्वाचन गराउन चिन्ता नभएको र झूटा आश्वासन मात्रै दिने गरेको उनले टिप्पणी गरे ।
ekantipur