– , काठमाडौं
वैशाख २२, २०७३- एकीकृत माओवादी स्थायी समितिको बैठक अध्यक्ष पुष्पकमल दाहाल निवास लाजिम्पाटमा भर्खरै सुरु भएको छ ।
आज बिहान पार्टी पदाधिकारी बैठक सकेर गोरखा गएका दाहाल मौसमका कारण फर्कन ढिला भएपछि चार बजे बस्ने भनिएको बैठक डेढ घण्टापछि सुरु भएको हो ।
आज बिहान पार्टी पदाधिकारी बैठकले अध्यक्ष पुष्पकमल दाहाललाई प्रधानमन्त्री बनाउने निर्णय गरेपछि विकसित घटनाक्रम समीक्षा गरिने दाहालका स्वकीय सचिव जोखबहादुर महराले बताए ।
केपी ओली नेतृत्वको सरकारलाई दिएको समर्थन फिर्ता लिने र अविश्वासको प्रस्ताव दर्ता गराउने निर्णय हुने सम्भावना रहेको स्रोतले जानकारी दियो । बैठकमा पदाधिकारीसहित स्थायी समितिका सबै सदस्य लाजिम्पाट पुगिसकेका छन् ।
ekantipur
