पोखरा, वैशाख २ – पोखराको रामघाटमा भू-समाधीमा बस्नुभएका कृष्णदासजी महाराज नौं दिनपछि सकुशल निस्कुभएको छ । उहाँले समाधी बस्नुअघि दिनुभएको समय अनुसार बिहान नौं बजेर ३५ मिनेटमा निकालिएको हो । निकालिएपछि उहाँ पूजापाठमा सरिक हुनुभयो । हावासमेत छिर्न नसक्ने गरि बनाइएको विशेष बाकसमा बसेर दुई सय १६ घण्टा अर्थात नौं दिनसम्म ध्यान मुद्रामा रहेर सामान्य जीवनमा कृष्णदासजी फर्किएपछि आधुनिक चिकित्सा जगत नै चकित भएको छ ।

उहाँको दर्शनको लागि पोखराको रामघाटमा हजारौ भक्तजनहरु भेला भएका छन् । भक्तजनहरुलाई सामूहिक दर्शन र आशिर्वाद दिएपछि कृष्णदासजी महाराजले अहिले व्यक्तिगत रुपमा नै दर्शन दिइरहनुभएको छ । जमिनबाट निकालिएपछि उहाँको शरीर थररर कामेको थियो । केही बेरपछि मात्रै उहाँ चल्बलाउन थाल्नुभएको थियो । त्यसको झण्डै आधा घण्टापछि उहाँलाई गाईको पञ्चामृत खुवाइ पानी पियाइएको थियो । त्यसको केही बेरमा नै उहाँले बाकसभित्रैबाट शंख फुकेर बाहिर निस्कनुभएको थियो । डाक्टर कालु शर्मा, नारायण गौतम, श्रीकृष्ण श्रेष्ठ लगायतको डाक्टरको टोलीले उहाँको स्वाथ्य परीक्षण गर्दा भू समाधिमा जानु अघिकै अवस्थामा रहेको डाक्टरहरुले बताउनुभएको छ । नौं दिनसम्म बिना अक्सिजन ध्यानमा बस्दा पनि स्वास्थ्य अवस्था सामान्य भेटिनुले डाक्टरहरु नै आश्चार्यमा परेका डाक्टर कालु शर्माले बताउनुभयो । 

ujyaloonline