३० चैत,काठमाडौं । दिक्तेलबाट यात्रु लिएर काठमाडौँ अाउदै गरेको यात्रुबाहक बस दुर्ङटना मृत्यु हुनेको संख्या २२ पुगेको छ ।
आज बिहान अर्खौलेको बर्खेटारमा बस दुर्घटनामा परेको थियो । मृत्यु हुनेमा ७ महिला र १५ पुरूष रहेकाे प्रहरी सहायक निरीक्षक रवि लिम्बुले अनलाइखबरलार्इ जानकारी दिए ।
बा२ख ६३७६ नंको यात्रुबाहक बस साँघुरो बाटो रहेको बर्खेटारमा बिहान साढे ८ बजे सडकबाट करिब ५०० मि तल नदेखिने ठाउँमा खसेको प्रहरीले जनाएको छ । बसमा सुरुमा २८ यात्रु भएकामा बीच बाटामा थपिएकाहरु समेत गरी करिब ७० जना थिए ।
प्रहरी र स्थानीयवासीले ३१ जना घाइतेको उद्धार गरी हलेसी स्वास्थ्य चौकीमा पुर्याएका छन् । अधिकांश घाइतेको अवस्था गम्भीर रहेको राईले जानकारी दिए । घटनास्थल सदरमुकाम दिक्तेलबाट करिब चार घन्टा पैदलयात्राको दूरीमा रहेको छ ।
onlinekhabar
