अभिभावकसँग श्रेयन । तस्वीरः फेसबुकबाट
उनका परिवारहरु यस बखत पीडामा रहेका छन् भने पुलिसले घटनाको अनुसन्धान थालेको छ । विहान आफ्नी हजुरआमा मेनुकासँग बाटोमा हिडिरहेका बेला सिकारू चालक भएको कारले एक्कासी ठक्कर दिएको थियो । कारले ठक्कर दिदा ती १६ महिनाका बालक श्रेयनकी आमा रोजिता र बुवा सजुन भने घटनास्थलभन्दा केही पर मात्र थिए ।
परिवारले दिएको जानकारीअनुसार कार चालक ५० वर्षको रहेको छन् । बालक फुटपाथमा हिडिरहेका बेला कारले ठक्कर दिएको थियो । अस्ट्रेलियन प्रहरीले घटनाको कारणबारे अनुसन्धान गरिरहेको र क्रोनोअरका लागि रिपोर्ट तयार पार्न लागेको बताइएको छ ।
परिवारका एक साथीले द डेली टेलिग्राफसँग भनेका छन्, ‘उनको परिवार छोराको यादले घर फर्किने नसक्ने अवस्थामा रहेको छ ।’ ‘तिनीहरु एकदमै मर्माहत भएका छन्,’ उनले थपे ।
श्रेयनका बुवा अंग्रेजीको परीक्षाका लागि तयारी गरिरहेको बेला बालक हजुरआमासँग बाहिर पैदल यात्रा लागि गएका थिए । घटना पश्चात प्रहरी र मेडिकल टिमले वालकलाई बचाउने प्रयास गरेका थिए ।
६ महिना अगाडि गत नोभेम्बरमा श्रेयनलाई परम्परागत भात ख्वाइका लागि नेपाल लगिएको थियो ।
प्रत्यदर्शी एन्ड्री सनर्सले उक्त घटना प्रत्यक्ष देखेका थिए । ‘बालकको हजुरआमा बच्चालाई अगालोमा कसेर भावविहल बनेर रोइरहेकी थिइन । मेरो अगालोमा मेरी छोरी थिइन्,’ उनले भने, ‘तैपनि मैले बालकको हजुरआमालाई अगालोदेखि छुट्टयाउने प्रयास गरे ताकि चाडै नर्सले बच्चाको उपचार गर्न सकुन् ।’
.jpg)
‘केही समयपछि बालककी आमा पनि त्यही आइन । एकछिन त उनले के भइरहेको छ त्यसको मेसो पाउनै सकिनन्, जब थाहा पाइन । उनले आफूलाई सम्हाल्नै सकिनन् । यो मेरा लागि अत्यन्त डरलाग्दो घटना भएको छ । र एकदमै दुःखदायी रहेको छ ।’
नर्स मोरियम जेरिकाकाअनुसार उनी आफ्नो पिताका साथ घरमा रहेको र घटना हुनासाथ बच्चालाई मद्धत गर्न घटनास्थलमा पुगेकी थिइन । ‘ट्राफिक जाम भइरहँदा म दौडेर घटनास्थलमा पुगे,’ उनले भनिन्, ‘बालकको हजुरआमाको छातीबाट बच्चालाई निकालेर चेकअप गर्ने काम गरे । बच्चाको धडकन चेक गर्दा धडकन थिएन । उसलाई केही श्वास दिने प्रयास गरे ।’
केही समयपछि प्रहरी आएर घटनाबारे अनुसन्धान सुरु गरिसकेको छ ।
nepalipatra