फोटो :फाइल फोटो
सुरेन्द्र काफ्ले
मधेसका प्रदेशमा पहाड मिलाउनु गलत
नेपालगन्ज: नयाँशक्ति नेपालका संयोजक एवम् पूर्व प्रधानमन्त्री बाबुराम भट्टाराईले नयाँ बनेको संविधानले मुलुकलाई स्थिरता नदिने बताएका छन् ।
नयाँशक्ति नेपालले नेपालगन्जमा आयोजना गरेको अन्तरक्रियामा नेता भट्टराईले नयाँ संविधानले केही आधार मात्र तयार गरेको बताए । ‘अहिलेको संविधानले स्थिरता दिँदैन, केही आधार तयार मात्र गरेको छ’, उनले भने’, उनले भने, ‘संविधानलाई पुर्ण बनाउन धेरै संशोधन गर्नुपर्ने बताए ।’
उनले संविधानमार्फत आएको संघीयतासमेत अपूर्ण रहेको बताए । उनले संघीयताको सम्बन्धमा पुनर्विचार गर्नु गर्ने बताए ।
संविधान निर्माणका लागि बनेको तत्कालिन राजनीतिक संवाद समितिका सभापति समेत रहेका डा. भट्राईले संघीयताको मर्म विपरित आएको संविधानमार्फत प्रदेशको निर्माण भएको बताए ।
उनले सामथ्र्य ४ र पहिचानको ५ आधारमा संघीयताको निर्माण हुनपर्नेमा जोड दिए । प्रदेश नम्बर ५ मा पहाडी जिल्ला राख्ने काम गलत भएको उनले बताए । मधेस प्रदेश र मगरहरु छुट्याइएको भन्दै त्यसको समेत विरोध गरे ।
‘यो प्रदेश ५ नम्बरमा पहाडी जिल्ला राख्ने काम मिलेको छैन’, उनले भने, ‘यो थारुहरुको खिलाप छ ।’ उनले प्रदेश नम्बर ५ बाट पहाडी जिल्ला हटाउनुपर्ने बताए ।
उनले प्रचण्डको नेतृत्वमा मुलुकको सम्भव नदेखेपछि आफुले नयाँशक्तिको निर्माण गरेका बताए ।
पुराना शक्तिले भत्काउन मात्र जानेको बताउदै नयाँ निर्माणको नयाँ पार्टी चाहिने बताए । ‘प्रचण्डबाट रुपान्तरण सम्भव छैन’, उनले भने, ‘प्रचण्डबाट मात्र होइन पुराना पार्टी बाट नयाँ कामको सम्भवना छैन, त्यसैले नयाँशक्ति चाहिएको हो ।
उनले मुुलुकमा अर्को माओवादी जन्माउन नयाँ पार्टीको परिकल्पना नगरिएको बताए । ‘अर्को माओवादीको आवश्यकता छैन’, उनले भने, ‘छोटो अवधिमा मुलुकलाई समृद्ध बनाउन नयाँ पार्टीको आवश्यकता भएको हो ।’
उनले दुई अंकको आर्थिक बृद्धि गरि मुलुकलाई १०÷१५ वर्षभित्र समृद्ध बनाउन नयाँ पार्टीको गठन हुन लागेको बताए ।
नेपालले भारत र चीन दुवै मुलकसँग गतिशील पुलको सम्बन्ध राख्नुपर्ने उनले बताए । ‘भारत वा चीनसँग जोरी खोजेर हामीलाई फाइदा हँुदैन’, उनले भने, ‘दुबै छिमेकीबीचमा गतिशील पुलको व्यवहारले मात्रै फाइदा हुन्छ ।’
चीनबाट आउने रेल भारतसम्म पुर्याउनु पर्ने उनले बताए । भारत र चीन दुवै देशलाई खुसी पारेर फाइदा लिनु नै मुलकको हितमा हुने बताए ।
सो अन्तक्रियामा नयाँ शक्तिका नेता देवेन्द्र पौडेल, राजनीतिक विष्लेशक मुमाराम खनाल, जनजाती नेता पासाङ शेर्पा, केशव दाहाल, मुक्ती प्रधान, सुरेन्द्र चौधरी, यमुना भुषाल लगायतले बोलेका थिए ।
annapurnapost