एफबीआईले आईफोनको सुरक्षाप्रणाली ह्याकपछि गरेको अनुसन्धानबाट आईफोनको प्रयोग गरि अमेरिकाको एक स्कुलमा आतंकवादीले आक्रमण गरेको पुष्टि गरेको छ।
पाकिस्तानी मूलका एक अमेरिकी र उनका छिमेकीले सन् २०११ र १२ मा अमेरिकाको क्यालिफोर्नियास्थित एउटा माध्यमिक विद्यालयमा गरेको आक्रमणको छानबिनका क्रममा एफबीआईले आईफोन ह्याक गरेको हो ।
एफबीआईले आईफोन ह्याक गरेर त्यो स्कुलमा यी दुईजनाले आईफोनको सहयोगमा त्यो स्कुलमा आक्रमण गर्न सफल भएको प्रमाणित गरेको हो ।
आईफोनले आफ्नो मोबाइलको सुरक्षाप्रणालीलाई कसैले तोड्न नसक्ने दाबी गरिरहेका बेला एफबीआईले उसको सुरक्षाप्रणालीमा पसेर आईफोन अनलक गर्न सफल भएपछि आईफोनले गल्ती पनि स्वीकारेको छ ।
एफबीआईका अनुसार क्यालिफोर्नियाको स्कुलमा पाकिस्तानी मूलका सयेद फारुक र उनका छिमेकी अमेरिकी नागकरिक इन्रिक मार्क्वेजले आईफोनको मद्दतमा आक्रमण गरेका थिए ।
क्यालिफोर्नियाको स्कुलमा आक्रमण भएपछि एफबिआईले आईफोन अनलक गर्न एप्पलाई चेतावनी दिएको थियो । आफ्नो अनुसन्धानले आईफोन आतंकवादी गतिविधिमा प्रयोग भएको भन्दै एफबिआईले आईफोन अनलक गर्न दिएको चेतावनी गैह्रकानुनी भएको भन्दै एप्पलका प्रमखु टीम कुक अदालतसमेत गएका थिए ।
करिब ५ वर्ष चलेको यो विवादमा एफबीआईले एप्पलको पोल खोल्ने गरि उसको फोन आतंकवादी गतिविधिमा प्रयोग भइरहेको तथ्य बाहिर ल्याएको हो ।
एप्पलका प्रमुख टिम कुकले उक्त घटनामा आइफोनको संलगतना नभएको दाबी गर्दै आएका थिए। तर, सोमबार एफबीआईका अनुसनधानकर्ताहरुले प्रविधिको प्रयोग गर्दै आइफोनको लक ह्याक गरेर उसको कम्जोरी पत्ता लगाएपछि आइफोन र एफबीआईबीचको मुद्दा पनि टुंगिएको छ।
यता, एप्पलले भने आइफोनले एफबीआईबाट आफ्नो पोल खोलिदिएपछि बजार गुमाउने डरले ग्राहकहरुलाई भ्रममा नपर्न भन्दै आफूले आईफोनको सुरक्षाप्रणालीमा सुधार गरिसकेको दाबी गरेको छ ।
उसले एफबीआईविरुद्धको मुद्दामा पनि पछि हट्दै आगामी दिनमा त्यस्ता आतंकवादी घटना भएमा एफबीआईका अनुसनधानकर्तालाई सक्दो सहयोग गर्ने प्रतिवद्धता पनि एप्पलले जनाएको छ ।
सोही घटनामा यसअघि माइक्रोसफ्टका संस्थापक बिल गेट्स पनि विश्वचर्चित अमेरिकन कम्पनी एप्पल विरुद्ध उभिएका थिए। एउटा आईफोन अनलक गर्ने विषयमा उनले आफूलाई एफबीआई समर्थकमा उभ्याएका थिए।
उनले फाइनान्सियल टाइम्समा लामो अन्तरवार्ता दिँदै आतंकवादसँग सम्बन्धित अनुसन्धानमा प्रविधिक कम्पनीको कानून प्रवर्द्धन गर्न एप्पललाई आग्रह समेत गरेका थिए। तर सिलिकन भ्यालीका अधिकांश कम्पकनीले यो विषयमा भने एप्पललाई समर्थन गरेका थिए।