फोटो :एजेन्सी
एजेन्सी: इजिप्टकै एलेक्जेन्ड्रिआबाट कायरो जाँदै गरेको इजिप्ट एयरको एमएस १८१ जहाज एक प्राध्यापकले युवतीका लागि अपहरण गरेको खुलेको छ ।
समाचार अनुसार २७ वर्षीय उनी एलेक्जेन्ड्रिआ विश्वविद्यालयका प्रोफेसर हुन् । उनले जहाजलाई टर्कीको इस्तान्बुल लैजान चालक दलका सदस्यलाई भनेका थिए ।
उनले चिठी पुर्याउन खोजेकी ती युवती पूर्व पत्नी रहेकी अन्तर्राष्ट्रिय सञ्चारमाध्यमले जनाएका छन् ।
उनले लेखेर दिएको एक चिठीलाई इजिप्ट एयरका पदाधिकारीले ती युवतीसम्म पुर्याउने कोशिस गरिरहेका छन् । तर उनी कुन् देशकी नागरिक हुन् भन्ने खुलिसकेको छैन ।
अपहरणपछि यो जहाज साइप्रसको लरनाका विमानस्थलमा अवतरण भएको छ । इजिप्ट एयरले अपहरणकारीसँग वार्ता शुरु गरेको छ । अहिलेसम्म चार विदेशीसहित ५६ यात्रीलाई मुक्त गरिसकिएको छ ।
स्थानीय सञ्चारमाध्यमका अनुसार जहाज अपहरणमा संलग्न युवाको नाम इब्राहिम सामाहा हो । उनी इजिप्टमै बस्दै आएका हुन् ।
इजिप्ट एयरले मंगबालर ट्वीट गर्दै जहाज अपहरण भएको पुष्टि गर्दै यो अपहरणमा एक प्राध्यापकको हातमा रहेको जनाएको छ ।
तर पाइलटले इन्धनको कमी भएको बताउँदै टर्की लैजान इन्कार गरेका थिए । अपहरणकारीले आफूलाई भाषा अनुवादकको माग गरेका छन् ।
अपहरित जहाज र यात्रु छुटाउन भएको वार्ताका क्रममा अपहरणमा संलग्न प्रोफेसरले आफूलाई राजनीतिक शरण दिइनुपर्ने माग पनि गरेका छन् ।
समाचार एजेन्सी एएफपीका अनुसार साइप्रसमा अवतरण गराइएको विमानबाट अधिकांश यात्रुलाई मुक्त गर्न सफल भएपनि अझै ४ विदेशी यात्रु र चालक दलका सदस्य बन्धक अवस्थामा छन् ।
एजेन्सी
