फोटो :एजेन्सी
एजेन्सी: तपाईं हामीले सडकमा पैसा झरेक देख्यौं भने के गरौंला ? पाँच सय हजारका नोट त के एक दुई रुपैयाँ सडकमा भेटेपनि टिपेर लैजान बाँकी राख्दैनौँ । कमैले मात्र सडकमा भेटिएको पैसालाई सम्बन्धित व्यक्ति या प्रहरीकहाँ लैजाने प्रयास गर्छौं ।
तर दक्षिण कोरियाको राजधानी सोलमा केही दिनअघि २२ लाख कोरियन वोन सडकमै छरिँदा पनि त्यसतर्फ कसैले आँखा लाएनन् ।
पति र छोराबाट हैरान बनेकी एक ५६ वर्षीया महिलाले अरुले लैजानउन् भन्दै बैंकबाट निकालेर सिधै सडकमा छरिदिएकी थिइन् ।
पति र छोराको हातमा नपुगोस भन्दै ती ५६ वर्षीया महिलाले सडकमा छरेको १९ हजार ३० डलर बराबरको २२ लाख कोरियन वोन टिप्नु त के त्यसतर्फ कसैले ध्यानै नदिएको अन्तर्राष्ट्रिय सञ्चारमाध्यमले जनाएका छन् ।
नेपालमा भए सडकमा छरिएको पैसा टिप्नाका लागि तँछाड मछाड र कुटाकु हुने अवस्था आउँथ्यो तर कोरियामा सडकमा छरिएको पैसा बटुल्न प्रहरी नै आइपुग्नुपर्यो ।
ती महिलाले सडकमा छरेको रकम टिप्ने भन्दा पनि फोटो खिच्नेहरुको भने तँछाडमछाड भएको थियो । सयौंको संख्यामा सोलको सडकमा हिँड्ने पैदलयात्री सडकमा छरिएको पैसोसँगै सेल्फी खिच्न भ्याए तर एउटा पनि नोट टिपेनन् ।
कोरियाको काननुमा बेवारिसे अवस्थामा रहेको पैसा टिपेर लैजानुलाई चोरीसरह मानिन्छ । त्यहाँको कानुनले मानिसले जानाजान फ्यालेको पैसा टिपेमा हुने सजायबारे भने केही बोलेको छैन ।
सडकमा फ्यालेको पैसा कसैले नउठाएपछि अन्तत: घटनास्थलमा प्रहरी नै आइपुग्यो । प्रहरीको टोली आएर सडकमा फ्यालिएको सबै रकम बटुलेर उनै महिललाई जिम्मा लगाएको छ ।
प्रहरीका अनुसार ती महिलाले बैंकबाट २० हजार डलर झिकेकी थिइन् । जसमध्ये १९ हजार ३० डलर सडकमा फ्यालेको अवस्थामा भेटाएर प्रहरीले उनलाई जिम्मा लगाएको हो ।
फ्यालेको रकम टिपेर दिएपछि प्रहरीले महिलालाई ट्याक्सीमा राखेर घरसमेत पठायो । उनले प्रहरीसँगको बयानमा आफ्ना पति र छोराले त्यो रकम लाने डरले आफूले सडकमा रहेका व्यक्तिले लैजाउन् भन्ने हेतुले सडकमा नोट फ्यालेको बताएकी छिन् ।
एजेन्सी
