कैलासबावु श्रेष्ठ/गोरखा
चैत्र ६ गते । पश्चिमाञ्चल होटल संघ पोखराको आयोजनामा यही चैत २८ देखि आगामी बैशाख २ गतेसम्म बसुन्धरा पार्कमा संचालन हुन भएको छ । १३ औं फेवा नव वर्ष महोत्सव २०७३ को तयारीका बारेमा पत्रकार सम्मेलन गरी जानकारी गराइएको थियो ।
महोत्सवमा विगतको भन्दा नयाँ र परिष्कृत ढंगले संचालन गर्ने तयारी गरिएको छ । भूकम्प र नाकाबन्दीले थला परेको पर्यटन क्षेत्रलाई जगाउन यो पटकको महोत्सवले सघाउने विश्वास संघका अध्यक्ष भरतराज पराजुलीले व्यक्त गरे ।
हालै पोखरामा सम्पन्न मिनी सार्क सम्मेलने यहाँको पर्यटनलाई केही रुपमा भए पनि प्रवद्र्धन गर्न टेवा पुगेको बताउँदै फेवा महोत्सवको माध्यमबाट प्रवद्र्धनको कामलाई थप अगाडि बढाइने पत्रकार सम्मेलनमा पराजुलीले जानकारी दिए ।
महोत्सवलाई नयाँ पन दिन संघले सल्लाह र सुझाव संकलनको काम समेत अगाडि बढाएको छ । महोत्सवको मुख्य उद्धेश्य नेपाली मौलिक कला र संस्कृतिको संरक्षण गर्दै आन्तरिक तथा बाह्य पर्यटक भित्र्याउनु रहेको पत्रकार सम्मेलनमा जानकारी गराइएको थियो ।
अंग्रेजी नयाँ वर्षलाई पछिल्ला वर्षहरुमा निकै जोड दिएर मनाउँदै आइएकोमा आफ्नै नेपाली नयाँ वर्षलाई झन् भव्य र सभ्य रुपमा मनाउन महोत्सव आयोजना गर्न लागिएको अध्यक्ष पराजुलीले बताए ।
देश विदेशका खानाका परिकारहरुको प्रदर्शनी तथा विक्री, विविध सांस्कृतिक गतिविधि, राष्ट्रिय दोहोरी गीत, सांगीतिक बैंण्डहरुको प्रस्तुती, बाल उद्यान, डुंगा दौड आदि महोत्सवका आकर्षण रहने छन् ।
महोत्सवबाट ५० लाख आम्दानी र ४२ लाख रुपैयाँ खर्च हुने प्रारम्भिक अनुमान संघले गरेको छ । ‘फेवा ताल बचाऔ’ं भन्ने मुख्य नाराका साथ संचालन हुने महोत्सवमा पर्यटन, संस्कृति र खाना मुख्य आकर्षण रहने छन् ।
चैत ३० गते साँझ ५ बजेदेखि राति १२ बजेसम्म र बैशाख १ गते साँझ ५ बजेदेखि रातको १० बजेसम्म स्थानीय अम्मटदेखि हल्लनचोकसम्म रेवान पोखराको सहकार्यमा सडक महोत्सव समेत संचालन गरिने भएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए