फोटो :एजेन्सी
एजेन्सी: चेन जिफेङ्गका जन्मँदै हात थिएनन् । जन्मँदै हात नभएका उनले कसरी जीवन चलाउँछन् भन्ने कुराले बाबुआमालाई पिरोलेको थियो ।
तर अहिले चेन अहिले सफल ई-कमर्स वेबसाइटका मालिक छन् र उनको कमाई मासिक लाखौं हुन्छ । यो सबै उनको खुट्टाका औंलाको कमाल हो ।
चीनको हुबेई प्रान्तको बोडोन्ग काउन्टीमा २७ वर्षीय चेन जिफेङ्ग आफ्नो परिवारसँग बस्दै आएका छन् ।
जन्मजात हात नभएपनि उनले खुट्टाको औंलालाई आफ्नो तागत बनाएका छन् । उनी आफ्नो सबै काम खुट्टाले नै गर्न सक्षम छन् ।
हरेक किसिमका काम मानिसहरु हातले गर्छन् । तर चेन भने अन्य मानिसले हातले गर्ने काम खुट्टाले गर्छन् ।
उनी खाना बनाउनेदेखि दाउरा काट्ने काम पनि अभिभावलाई मद्दत गर्छन् । चेनले एक अनलाइन स्टोर खोलेका छन् ।
उनले अनलाइन स्टोरबाट १० दिनमा १० हजार युआन कमाउँछन् । उनको मासिक नेपाली कमाई ४ लाख ९५ हजारको हाराहारीमा रहेको छ।
यो कमाई उनको प्रान्तका अन्य जागिरेको औसत कमाई भन्दा पनि दुई गुणा बढी हो । उनी खुट्टाकै सहयोगले मध्यरातिसम्म ग्राहकसँग कुरा गर्दै प्रतिक्रिया लिनमा ब्यस्त रहन्छन् ।
एजेन्सी