विकास श्रेष्ठ/सोल
पौष २७ गते । दक्षिण कोरियामा फेरी एक नेपाली मृत्यु भएको छ । इपिएस प्राणाली मार्फत कोरीया आई काम गरका उनको गए राती मृत्यु भएको हो ।
करिब सात महिना अघि कोरीया आएका संखुवासभा माने भन्ज्याङका ३४ वर्षिय ठाकुरप्रसाद याम्फु राईको गएराती सुतेकै अवस्थामा मृत्यु भएको हो ।
मृतक राई छाल्लाबोक्दोमा रहेको बंगुर फर्म कार्यरत रहेको बुझिएको छ । आइतबार बिदामा रहेको तथा राम्रो सँग खाना खाएर राति सुतेको त्यही फार्ममा काम गरिरहेका उनका सहकर्मीले जानकारी दिए ।
मृतक राईका सहकर्मीका अनुसार उनी मध्यरातमा एक पटक घुरेका थिए । अनौठो घुरेको आवाज सुनेपछि साथीहरुले मृतक राईलाई उठाएको तर उनको अवश्था गम्भिर देखेपछि एम्बुलेन्स बोलाएका थिए । यद्यपी एम्बुलेन्स घटनास्थलमा आई पुग्न नपाउदै उनको ज्यान गएको बताए ।
घटनाका बारेमा नेपालमा रहेका उनका परिवारजन र सोलस्थित नेपाली राजदुतावासमा जानकारी गराइएको छ ।
नेपाली दुतावासमा उपनियोग प्रमूख किरण शाक्यले पनि घटनाको बारे खबर आएको र त्यस बारे विस्तृत जानकारी लिने काम भइरहेको जानकारी दिए ।
केही सयम यता कोरियामा जाडो बडेको र सुतेको अवश्थामा मृत्यु हुने कामदारहरुको संख्या बढेको छ ।
गत वर्ष पनि नाम्याङस्थित एक स्टिल कम्पनीमा कार्यरत एक नेपालीको सुतेको अवस्थामा मृत्यु भएको थियो । उनको हृदयघातका कारण मृत्यु भएको थियो ।
गएराति मृत्यु भएका राई काम गर्ने फर्ममा नौ जना नेपाली कार्यरत रहेको बुझिएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए