पुस २५, २०७२- आन्दोलन, नाकाबन्दी र भूकम्पले थलिएको पर्यटन व्यवसाय धराशयी भएको बेला चितवनमा हालै आयाजित हात्ती महोत्सवले सबैको ध्यान खिच्यो । पहिले पहिले हात्तीको प्रयोग ढुवानी र युद्धमा हुन्थ्यो । तर यस महोत्सवमा हात्तीले आफ्ना अरू कौशल देखाए । समृद्धिकलीको क्याटवाकले हात्ती सुन्दरीको ताज जित्दा होस् वा एकताकली ‘बी’ को लम्काइले बाँकी हात्तीहरूलाई पछाडि छाड्दा दर्शकदीर्धामा बसेका मानिसहरूको तालीको गडगडाहट सुनिन्थ्यो ।

सौरहा निकुन्जको मेसी उपनामले चिनिने हात्तीले फुटबल खेलमा गोल हेर्दा हलिउड फिल्म ‘आइस एज’ को कुनै दृश्यझैं भान हुन्थ्यो । ५८ वटा निजीसहित गरेर जम्मा ८० वटा हात्ती सम्मिलित सामूहिक वनभोजको माहोल उत्तिकै उल्लासमय थियो । विभिन्न चरणहरू गरी पाँच दिनसम्म चलेको महोत्सवमा टाँगा दौड, गाडा दौड र डुङ्गा दौड गरिएका थिए । मुख्य आकर्षण चजे हात्तीमै थियो ।

चितवनलाई जनवारमैत्री बनाउन साथै हात्ती र मानवबीचको सम्बन्धलाई जोड दिन महोत्सव गरिएको आयोजक सुमन घिमिरे बताउँछन् । हिन्दु धर्मअनुसार हात्तीलाई भगवान् गणेशको स्वरूप मानिन्छ । हात्तीको टाङमुनि छिरे पुण्य कमाइने जनविश्वास छ । त्यसैले कोही आफ्ना स–साना सन्तान च्यापेर टाङमुनि छिरिरहेका थिए भने कोही माला पहिरिन आतुर थिए । यसबाहेक चितवनमा जंगल सफारी साथै हात्ती स्नानमा स्वदेशी तथा विदेशी पर्यटक झुम्मिँदा चितवन साँच्चिकै हात्तीकै सहरभैंm लाग्थ्यो ।