चिकित्सा क्षेत्रका विकृति विरुद्ध लड्दै आएका डाक्टर गोविन्द केसीले आफ्ना माग पुरा गर्न सरकारलाई दुईसाताको अल्टिमेटम दिएका छन्।
एकसाता अघि पनि उनले सरकारलाई यसअघि भएका सहमति कार्यान्वयन गर्न ध्यानाकर्षण गराएका थिए।
सरकारले विश्वविद्यायालयहरुमा चिकित्सा शिक्षा आयोग बनाई नीति निर्माणको काम अघि नबढाएमा,विश्वविद्यालयमा हुने नियुक्तिमा राजनीतिक भागवण्डा रोक्ने व्यवस्था गर्न कानुन बनाउने प्रक्रिया सुरु नगरेमा, चिकित्सा शिक्षा निति नआउदै कुनै बाहनामा नयाँ मेडिकल शिक्षण संस्थालाई अनुमति दिएमा उनले दुईसाता मै अनसन सुरु गर्ने चेतावनी दिएका छन्।
उनले चिकित्सा शिक्षा क्षेत्रलाई सुधार गर्न यसअघि सातौँ पटक सम्म अनसन बसिसकेका छन्। उनकै अनसनको माग बमोजिम सरकारले चिकित्साक्षेत्रको सुधार गर्न के गर्नुपर्ने अध्ययन गर्न डाक्टर केदारभक्त माथेमा संयोजकत्वको एक समिति बनाएको थियो। समितिले प्रतिवेदन समेत सरकारलाई बुझायो। तर सरकारले त्यसलाई लागु गर्न नसकेपछि उनले सातौँ अनसन बसेका थिए। उनलाई माथेमा प्रतिवेदन लागु गर्ने आश्वासन दिएको सरकारले त्यसलाई पनि संसोधन गरेर मात्रै लागु गरेको छ।
setopati