काठमाडाै, पुस २२ – विश्व शान्तिको कामना गर्दै १० हजार जना युवा जम्मा भएर राजधानीको टुडिखेलमा बुद्धकाे मानव प्रतिमा निर्माण गर्ने भएका छन् ।
चेयर अफ नेपाल नामक संस्थाको आयोजनामा १० हजार युवा भेला भएर बुद्धको आकृति बन्ने गरी संरचना तयार गर्ने जनाएका छन् । यसअघि सस्थाका युवाहरुले टुडिखेलमै नेपालको झण्डा बनाएका थिए ।
बुधबार रिपोर्टर्स क्लबमा पत्रकार सम्मेलन गरेर संस्थाका दामोदर कार्कीले मधेस आन्दोलनका कारण विद्यार्थीले पढ्न नपाएको, सिरिया र पेरिस हमला जस्ता विषयले विश्वमा अशान्ति उत्पन्न भएकोले विश्व शान्तिको कामनासहित शान्तिका अग्रदुत बुद्धको मानव प्रतिमा बनाउन लागेको जानकारी दिनुभयो ।
उहाँले यसअघि पुस २५ गते कार्यक्रम गर्ने तयारी भएपनि विविध कारणले आगामी फागुन १ गते गर्ने तय भएको जानकारी दिनुभयो ।
ujyaaloonline