नक्कली डाक्टर बन्दै दर्जनौ युवाहरुलाई ठगी गर्दै हिड्ने गुल्मी हस्तिचौर ९ की डाक्टर सुहाना भन्ने भगवति केसीले ठाउँ अनुसार पहिचान पनि फेर्दै दर्जनौ युवाहरुलाई ठगेको प्रहरी अनुसन्धानबाट खुल्न आएको छ।
डाक्टर र कलाकार बनेर ठग्दै हिँडेकी हुनी ३ दिनअघि मात्र महानगरीय अपराध महाशाखाको फन्दामा परेकी हुन्। अनुसन्धानका क्रममा उनले ठगी गर्ने तौरतरिका निकै आश्र्चयजनक भएको प्रहरीले जनाएको छ ।
…………..
काठमाडौंको लाजिम्पाटस्थित एक रेष्टुराँ उनले महानायक राजेश हमालसँग फोटो खिचेकी छिन् । फोटो खिच्ने इच्छा उनले वेइटरमार्फत हमालसमक्ष पुर्याएकी थिईन । वेइटरले डाक्टर सावले तपाईसँग फोटो खिच्ने भन्नुभएको छ भनेपछि हमालले हुन्छ भनेका थिए ।
त्यसपछि ३ चारवटा फोटो खिचेकी थिईन् । हमालसँग उनको फोटो देखिएपछि हामीले हमालसँग फोटो कसरी खिच्नुभयो भनेर जिज्ञाशा राखेका थियौं । जवाफमा हमालले रेष्टुरेन्टमा भेट भएको र कुराकानीका क्रममा ती युवतीले आफू डाक्टर भएको र छिट्टै सिनामंगलस्थित केएमसीमा काम गर्न आउन लागेको बताए।
…………
गत असोजतिर उनी काठमाडौंको थापाथलीस्थित भक्सवागन गाडीको शो रुपमा गईन। जन्मदिनमा बाबाले कार उपहार दिन्छु भन्नुभएको छ । बिटल भन्ने गाडी देखाउनुस त भन्दै उनी पुगेकी थिईन । गाडी हेरिसकेपछि उनले शो रुम म्यानेजरसँग परिचय गरेर नम्बर साटासाट गरेकी थिईन ।
भोलिपल्ट शो रुम म्यानेजरले उनलाई गाडी किन्न फोन गरे । जवाफमा उनले मेरो जन्मदिनमा आउन अझै एक दुई महिना बाँकी छ। ठिकै छ आज भेटेर केही कुरा गरौन भन्दै साँझ एक रेष्टुरेन्टमा बोलाइन्।
म्यानेजरसँगको आधाघन्टाको कुराकानीपछि उनले म्यानेजरको पर्सनालिटीको प्रसंशा गरिन्। हग गर्न मन लाग्यो भन्दै उनले झ्याम्मै अंगाल्लो मारिन्। प्रहरीका अनुसार ती म्यानेजरबाट पनि उनले केही रकम ठगिन्।
…………
९ वटा सिमकार्ड बोकेकी उनको विभिन्न नाममा ४ वटा फेसबुक एकाउन्ट छ। साँझपख फेसबुकका साथीहरुसँग भिडियो च्याट गर्ने, स्तन तथा अन्य अंगहरु देखाइदिने गर्थिन् । त्यस वापतले उनले फेसुबक साथीहरुलाई मोबाइलमा एक हजार हाल्न आग्रह गर्थिन । ‘युवाहरुले पनि उनले भनेपछि मोबाइलमा रकम रिचार्ज गरिदिएको पाइयो’, अनुसन्धान अधिकृत दुर्गा दाहालले भने ।
……………
९ वटा नेपालका सिम कार्ड बोकेपनि उनले फाइबर भने पोर्चुगलको नम्बरबाट चलाउँथिइन्। काठमाडौंका धनाढ्य युवाहरुलाई उनले आफू यूरोपमा काम गर्ने गरेको र विदामा आएको बताउँथिन । युरोपमा काम गर्छू भन्दै दर्जनौ युवाहरुसँग उनले ५ देखि २० हजारसम्म सापटी लिने गर्थिन।
…………….
पोखरा र काठमाडौंका होटलका मालिकलाई समेत उनले मोहनी लगाइदिने गरेको प्रहरीले जनाएको छ। पोखराका ड्यामसाइट र काठमाडौं गंगबुका विभिन्न होटलका मालिकहरुलाई मायाजालमा पारेर उनले ठगी गरेको प्रहरीले जनाएको छ ।
होटलमा जाने, कम्तिमा ३ वटा कोठा लिने, अर्के युवालाई नक्कली डिआइजी बनेर होटल मालिकलाई फोन गर्न लगाउने । मेरो छोरी बिदा मनाउँछ आउकी छे, दुई चार दिन बस्छे, राम्ररी हेरचाह गरिदिनोस् म आएर बिल तिरौला भनेर फोन गर्न लगाउने उनको ठगीको आश्चर्यमय तरिका हो ।
………..
उनले एउटा गीतमा मोडलको भूमिका समेत निर्वाह गरेकी छिन् । दोश मेरै हो भन्ने गीतमा उनी सुहानाको नाममा मोडेल बनेर अभिनय गरेकी छिन् । काठमाडौंको गण्डकी दोहरी साँझमा कलाकार बनेर गएकी उनी एक जना ग्राहकको ट्याव लुटेर फरार भएकी थिईन । अन्य दोहरी साँझमा पनि उनले ग्राहकको मोबाइल र रकम लुटेर हिड्ने गरेको प्रहरीले जनाएको छ ।
……..
पोखराको फेवा अस्पतालमा बंगलादेशबाट डाक्टरको पढाइ सकेर आएको र एक महिना इन्र्टन गर्छु भनेर उनी गईन । अस्पताल संचालकलाई छोटो समयमा नै विभिन्न आश्वासन दिएर उनी त्यहाँ नक्कली डाक्टर बनेर काम गरिन् ।
त्यहाँ आधा दर्जनभन्दा बढी डाक्टरहरुलाई ठगी गरिन् । स्थानीय एक पत्रिकाले फेवा अस्पतालमा नक्कली मुन्नी एमबीबीएस हेडलाइन राखेर समाचार छापेकै दिन उनी त्यहाँबाट फरार भईन ।
setopati