१९ पुस, काठमाडौं । नेपाल आयल निगमले काठमाडौंमा तीन दिन निजी कार तथा जीपलाई पेट्रोल वितरण गर्ने भएको छ ।
आयल निगमले पुस २२, २४ र २७ गते निजी कार तथा जीपलाई १५ लिटरका दरले तेल वितरण गर्न लागेको हो । तीनदिनमा झण्डै १३ लाख लिटर पेट्रोल वितरण गरिने निगमका प्रवक्ता मुकुन्द घिमिरेले अनलाइनखबरलाई जानकारी दिए ।
२२ गते बुधबार १ देखि ६ नम्बर लटका कारले तेल पाउने छन् । यस्तै २४ गते शुक्रबार ७ देखि १० नम्बर लटका कारलाई तेल वितरण गरिनेछ भने २७ गते सोमबार ११ भन्दा माथिका लटका कारले तेल भर्न पाउने निगम प्रवक्ता घिमिरेले बताए ।
वितरण गर्नुभन्दा एक दिन अघि नै पम्पमा तेल पुर्याइनेछ । बिहान ९ बजेदेखि पम्पमा तेल वितरण सुरु हुनेछ । तेल भर्न नवीकरण भएको ब्लु-बुक अनिवार्य गरिएको आयल निगमले जनाएको छ ।
onlinekhabar