?????
कैलासबावु श्रेष्ठ/गोरखा
पौष १९ गते । सहारा क्लब पोखराले आयोजना गर्ने १४ औं आहा रारा गोल्डकप माघ ५ गते देखि १६ गते सम्म सञ्चालन गर्ने भएको छ । आयोजकले आइतबार पोखरामा पत्रकार सम्मेलन गरि प्रतियोगितामा ३ विदेशी सहित १२ टिमले भागलिने सहारा क्लबका अध्यक्ष विरभद्र आर्चायले जानकारी दिए ।
प्रतियोगितामा आयोजक सहारा क्लब, तीन वटा विभागीय टोली नेपाली सेनाको त्रिभुवन आर्मी क्लब, शसस्त्र प्रहरीको नेपाल एपिएफ क्बल र नेपाल पुलिस क्लबले भाग लिने छन् । त्यसै गरि लिग विजेता थ्रीस्टार क्लब, लक्ष्मी हुण्डाई मनाङ मस्याङ्गदी क्बल, झापा ११, नव जन जागृति युवा क्बल सिमरा र जावलाखेल युथ क्लबले प्रतियोगितामा भाग लिने अध्यक्ष आर्चायले बताए ।
उनले अन्य तीन विदेशी टोली भने दर्ताको अन्तीम तयारीमा रहेको बताए । उनले भारत, भुटान र बंगलादेशका क्बल सगँ कुरा भएको बताए । प्रतियोगिताबाट करिब ७९ लाख ६२ हजार खर्च र ९९ लाख ९२ हजार आम्दानी गर्ने क्लबको लक्ष्य रहेको छ । बचत रकम २० लाख ३० हजारबाट क्बलले सञ्चालन गर्दै आएको एकेडेमी सञ्चालनमा खर्च गर्ने उनले बताए ।
प्रतियोगिता हेर्न आउने र्दशकलाई पनि पुरस्कारको व्यवस्था गरेका क्बलका महासचिब केशब राज बरालले जानकारी दिए । उनले सहारा हङकङको प्रायोजनमा प्रतियोगिता अवधिमा टिकट काटी अवलोकन गर्ने दर्शक मध्येबाट एक जनालाई गोला प्रथाद्धारा १ तोला सुनको सिका प्रदान गरिने बताए ।
क्लबद्धारा संञ्चालित कठिन परिस्थिति एवं विपन्नवर्गका बालकहरु सम्मिलित १६ जिल्लाका २६ जना बालकहरुलाई निशुल्क शिक्षा दिक्षा, स्वास्थ्य, फुटबल प्रशिक्षण लगायत भरणपोषण क्लवले गर्दै आएको छ । हिमश्री फुडस प्रा.लि.को उत्पादन आहा तथा रारा चाउचाउको मुख्य प्रायोजन, रेडबुलको सह प्रायोजन, माईक्रो म्याक्स मोबाईल लगायतले सहयोग गरेका छन् ।