भावुक योगी
बर्दिया, पुस १८ – बर्दिया राष्ट्रिय निकुञ्जले शनिबारदेखि खर काट्नका लागि भन्दै स्थानीय बासिन्दालाई निकुञ्ज भित्र प्रवेश खुला गरेको छ । शनिबार झण्डै १२ हजार जना निकुञ्ज भित्र प्रवेश गरेको र दोस्रो चरणमा १५ देखि २० हजार जना निकुञ्ज प्रवेश गर्ने निकुञ्जले जनाएको छ । .jpg)
ग्रामीण मध्यवर्ती क्षेत्रका स्थानिय बासिन्दाको घर निर्माणका लागि आवश्यक पर्ने खर काट्न हरेक वर्ष झैँ यसवर्ष पनि निकुञ्जले प्रवेश खुला गरेको हो । राजश्व र संरक्षण शुल्क गरी ४० रुपैयाँमा बिहान सुर्योदयदेखि सुर्यास्तसम्म निकुञ्ज भित्र रहेका खर, खडीया, बाबियो मात्र काट्न पाउने गरी पहिलो चरणमा १८, १९ र २० गते बबई नदी देखि पूर्वतर्फ निकुञ्ज खुल्ला गरीएको छ । पहिलो पटक यसवर्ष दुई चरणमा निकुञ्ज प्रवेश खुल्ला गरीएको हो ।
यस्तै, दोस्रो चरणमा बबई नदीदेखि पश्चिमतर्फ २२, २३ र २४ गतेका लागि निकुञ्ज प्रवेश खुला गरीएको निकुञ्जका निमित्त प्रमुख संरक्षण अधिकृत रमेश थापाले जानकारी दिनुभयो ।
घर छाउन, घरका भित्ता बेर्न, खटिया, भकारी बनाउन, पशु चौपाय बाध्ने डोरी लगायतका काममा प्रयोगमा आउने खरखडिया काट्न स्थानिय बासिन्दा हरेक वर्ष जोखिम मोलेर निकुञ्ज भित्र पस्ने गर्छन् । निकुञ्जले मध्यवर्ती क्षेत्रका वासिन्दाहरुको सुबिधाका लागि भन्दै प्रत्येक वर्ष खर खडाई काट्न प्रवेश खुला गर्दै आएको छ । खर खडाईबाट मात्रै हरेक वर्ष ६ देखि ७ लाख राजश्व संकलन हुने गर्दछ । .jpg)
शनिबार १० देखि १२ हजार मानिस निकुञ्ज भित्र प्रवेश गरेको र दोस्रो चरणमा १५ देखि २० हजार मानिस निकुञ्ज प्रवेश गर्ने निकुञ्जले जनाएको छ । मध्यवर्ती क्षेत्रका झण्डै ३० हजार बढी मानिस खर खडाईका लागि निकुञ्ज प्रवेश गर्ने गर्छन् । खर खडियाका लागि निकुञ्ज पसेका बेला निकुञ्ज भित्रका जंगली हात्ती, बाघ, गैँडा, भालु लगायतका वन्यजन्तुको आक्रमणमा परी वर्षेनी स्थानीय बासिन्दाले ज्यान गुमाउने र घाइते हुनुपर्ने समस्या छ ।
निकुञ्ज भित्र रहेका बाघ, हात्ती लगायतका वन्यजन्तुबाट सावधानी अपनाएर प्रवेश गर्न र खर, खडीया, बाबियो बाहेक अरु काठ, दाउरा निकासी नर्गन निकुञ्जले आग्रह समेत गरेको छ । अधिकांश क्षेत्रका बासिन्दाले सामुदायिक वन संरक्षण गरेका कारण आफ्नै सामुदायिक वनभित्र खर पाइएपछी विगतका वर्षमा भन्दा केही कम मात्रामा निकुञ्ज प्रवेश गर्ने गरेको पाइन्छ ।
ujyaaloonline
