पुस १७, २०७२- पुस ११ गते जोगवनी नाकामा भएको झडपमा घाइते भएका सद्भावना पार्टीका अध्यक्ष राजेन्द्र महतो थप उपचारका लागि आज दिल्ली उडेका छन् । इन्डियन एयरको ४ बजेको उडानबाट महतो दिल्ली लागेका हुन् । उनको दिल्लीको मेदान्त अस्पतालमा उपचार हुने बताइएको छ ।
विराटनगरको गोल्डन अस्पतालपछि धरानस्थित बीपी कोइराला स्वास्थ्य विज्ञान प्रतिष्ठानमा उपचार गराइरहेका महतो आजै काठमाडाैं आएका थिए । उनको टाउको र पेटमा समस्या देखिएको छ भने सुगर र प्रेसर बढेको बताइएको छ । बायाँ हातका दुई अाैंला भाँचिएको पनि बताइएको छ ।
महतोका साथ उनकी श्रीमती तथा सांसद सैलदेवि महतो र दुई सहयोगी छन् ।
दिल्ली उड्नुअघि त्रिभुवन विमानस्थलमा राजेन्द्र महतो । तस्बिर साैजन्य : मनिषकुमार सुमन
ekantipur
