गोरखा । जेन–जी आन्दोलनको बहाना पारेर कारागार फोडेर भाग्ने मध्ये ६ जनालाई गोरखा प्रहरीले नियन्त्रणमा लिन सफल भएको छ ।
प्रहरीले नियन्त्रणमा लिएका ६ जना मध्य ५ जना कर्तब्य ज्यान मुद्वाका र १ जना चोरी मुद्वाका भएको जिल्ला प्रहरी कार्यालय गोरखाले जानकारी दिएको हो ।
गोरखा प्रहरीले कास्की कारागारबाट भाग्न सफल भएका सोनाम दोर्जे लामा, छेवाङ लामा, सोनाम ग्याल्गेन लामा, तेन्जिङ रिक्तेल लामा र राजेश विश्व सुनार रहेका छन् । उनीहरु सबै कर्तब्य ज्यान मुद्वामा कास्की कारागारमा थुनामा रहेका बेला भागेर गोरखा आएका थिए ।
त्यस्तै गरी तनहुँ कारागारमा चोरी मुद्वामा रहेका विशाल उपरकोटीलाई समेत गोरखा प्रहरीले नियन्त्रणमा लिएको छ ।
उनीहरु सबैलाई मजुवा देउराली प्रहरी चौकी र गोरखा सरमुकामबाट नियन्त्रणमा लिएको गोरखा प्रहरीले जनाएको छ ।
पक्राउ परेका सबैलाई जिल्ला प्रहरी कार्यालयको बन्दी गृहमा राखिएको छ । पक्राउ परेका ६ जना नै गाेरखाका बासिन्दा हुन् ।
