गोरखा । गोरखा सदरमुकाममा रहेको श्री सिद्वि गणेश बचत तथा ऋण सहकारी संस्थाको १५औं साधारण सभा सम्पन्न भएको छ ।
सदरमुकाममा गरिएको साधारण सभामा गएको आर्थिक बर्षमा संस्थाले ६७ लाख ७७ हजार १८ रुपैयाँ खुद नाफा कमाउन सफल भएको कोषाध्यक्ष बिशाल राना मगरले जानकारी दिए ।
साधारण सभाको एक कार्यक्रम बिच पानसमा बत्ती बालेर उद्घाटन गर्दै गोरखा नगरपालिका मेयर कृण्ण बहादुर राना मगरले समाज र देश बिकासमा सहकारीको ठूलो भूमिका हुने बताए ।
उनले नगर क्षेत्र भित्र सहेको बचत तथा ऋण सहकारीहरु चलायमान भएता पनि उत्पादन तथा उपभोत्ता सहकारीहरु भने रुग्ण अवस्थामा पुगेकोभन्दै त्यस्ता सहकारीलाई बचत तथा ऋण सहकारीले ऋण लगानी गर्ने निती ल्याउनु पर्नेमा जोड दिए ।
साधारण सभामा सचिव श्रवण कुमार जोशीले बार्षिक प्रगति प्रतिवेदन र कोषाध्यक्ष राना राना मगरले आर्थिक प्रतिवेदन पेश गरेका थिए ।
संस्थाका अध्यक्ष शरद कट्टेलको अध्यक्षतामा भएको कार्यक्रममा गोरखा नगरपालिका प्रशासकिय अधिकृत एवं सहकारी शाखाका प्रमुख चेत प्रसाद अंगाई, वडा नम्बर ६ का वडाध्यक्ष राजेन्द्र कुमार जोशी (दिलिप), संस्थाका सल्लाहकार कृण्ण कुमार श्रेष्ठ, पत्रकार महासंघका जिल्ला अध्यक्ष नरेन्द्र ढकाल तथा संस्थाका महिला शेयर सदस्य श्रृजना पाण्डे बस्नेत र पुरुष शेयर सदस्य कपिल बावु अर्यालले शुभ कामना मन्तब्य राखेका थिए ।