काठमाडौं । नेपाली बजारमा सुन फेरी उच्च बिन्दुमा पुगेको छ । आज सुन तोलाको १ हजार २०० रुपैयाँले बढेसंगै पुनः उच्च बिन्दुमा पुगेको हो ।
सुन आज तोलामा १ हजार २०० रुपैयाँले बढेर तोलाको २ लाख ६०० रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
हिजो बिहीबार सुन तोलाको १ लाख ९९ हजार ४०० रुपैयाँमा कारोबार भएको थियो । यसअघि साउन २३ गते सुनको भाउ हालसम्मकै उच्च १ लाख ९९ हजार ४०० रुपैयाँ पुगेको रेकर्ड थियाे ।
त्यस्तैगरी, आज चाँदीको भाउ तोलामा ५ रुपैयाँले बढेर तोलाको २ हजार ३६० रुपैयाँ कायम भएको महासङ्घले जनाएको छ ।
चाँदी हिजो तोलाको २ हजार ३५५ रुपैयाँमा कारोबार भएको थियो ।