गोरखा । गोरखा जेसीजले आजदेखी जेसीज सप्ताह मनाउन सुरु गरेको छ । सप्ताह भाद्र ७ गतेसम्म सञ्चालनमा आउने अध्यक्ष सुमन गुरुङले जानकारी दिए ।
जेसीज सप्ताह–२०२५ नाम दिएको उक्त कार्यक्रमको पहिलो दिन आज आइतबार खुल्ला दौड प्रतियोगिता सम्पन्न भएको मुल संयोजक रचन परियारले बताए ।
खुल्ला दौड प्रतियोगितामा ५३ जनाको सहभागिता रहेको कार्यक्रम संयोजक सुजित श्रेष्ठले जानकारी दिए ।
गण्डकी प्रदेशका मुख्यमन्त्री सुरेन्द्र राज पाण्डेले उदघाटन गरेको दौड प्रतियोगितामा निर्धारित दुरी पार गरी प्रथम, द्वितिय र तृतिय नेपाली सेनाको विभागिए टोली त्रिभूवन आर्मी क्लबका गणेश सिंह राउत, यमराज खत्री र गौतम श्रेष्ठ भएका छन् ।
उनिहरुले क्रमश.२१ मिनेट ५० सेकेन्ड, २२ मिनेट ३७ सेकेन्ड र २२ मिनेट ४५ सकेन्डमा दुरी पार गरेका थिए ।
प्रतियोगितामा सान्त्वना हुने सरोज गिरीले २३ मिनेट ०३ सेकेन्डमा दुरी पार गरेको कार्यक्रम संयोजक श्रेष्ठले जानकारी दिए ।
दौड गोरखा नगरपालिका–५ को पश्लाङ चौताराबाट सुरु भएर ५ नम्बर वडा कार्यालय–मैदान–ठूलो आँगन–पाटेचौर–हस्पिटल चोक–हरमटारी चोक–शक्ति चोक–बसपार्क हुदै नयाँ बसपार्कबाट कालो बरको चौतारा–धारापानी हुदै पँदेली महादेव स्थानमा पुगेर समापन भएको थियो ।
६ किलो मिटर ५०० मिटरको उक्त दौडमा प्रथम, द्वितिय, तृतिय र सान्त्वना हुनेलाई क्रमश. १५ हजार, ७ हजार ५०० सय, ४ हजार र २ हजार नगद सहित ट्रफि, मेडल र प्रमाणपत्र प्रदान गरिने संयोजक श्रेष्ठले जानकारी दिए ।
सप्ताह अन्तरर्गतको दोस्रो दिन भोली सोमबार भाद्र २ गते आरुघाट गाउँपालिकाको आरुघाट बजारमा रहेको भिमोदय बहुमुखी क्याम्पसमा जनचेतना मुलक कार्यक्रम राखिएको कार्यक्रम संयोजक युनिक अर्यालले जानकारी दिएको छ ।
तस्बिर : बिराज त्रिपाठी