गाेरखा । न्याय परिषदले उच्च अदालतमा गाेरखाका न्यायाधीश सहित ३ जना महिलासहित २७ जना न्यायाधीश सिफारिश गरेको छ ।

हिजो प्रधानन्यायाधीश प्रकाशमानसिंह राउतको अध्यक्षतामा बसेको बैठकले २७ जनालाई न्यायाधीशमा सिफारिश गरेकोमा गाेरखाका न्यायाधिश शिवबहादुर रानाभाटलाई उच्च अदालत पाटनमा सिफारिस भएकाे हो ।

परिषदले जिल्ला अदालत मकवानपुरकी न्यायाधीश अवानी मैनाली भट्टराईलाई उच्च अदालत पाटनमा, त्यस्तै कानून व्यवसायी तर्फबाट शर्मिला थापा विष्टलाई उच्च अदालत पाटनको हेटौंडा इजलासमा र निशा बानियाँलाई उच्च अदालत तुलसीपुरको बुटवल इजलासमा सिफारिश गरेको छ ।

यस्तै न्याय परिषद्का सचिव यमबहादुर बुढामगरलाई उच्च अदालत सुर्खेत जुम्ला इजलास, धादिङ जिल्ला अदालतका न्यायाधीश गोपालप्रसाद बाँस्तोलालाई उच्च अदालत पाटन, ओलखढुङ्गाका जिल्ला न्यायाधीश गिरीराज गौतमलाई उच्च अदालत दीपायल महेन्द्रनगर इजलासमा नियुक्त गरी पदस्थापन गरिएको छ ।

गुल्मीका जिलला न्यायाधीश युवराज गौतमलाई उच्च अदालत विराटनगरको अस्थायी इजलास ओखलढुङ्गा, दाङका जिल्ला न्यायाधीश तेजनारायण पौडेललाई उच्च अदालत तुलसीपुरको बुटवल इजलास, पर्वतका जिल्ला न्यायाधीश प्रकाश ढुङ्गानालाई उच्च अदालत पाटन, उदयपुरका जिल्ला न्यायाधीश दीपककुमार खरेललाई उच्च अदालत पाटनमा नियुक्त गरी पदस्थापना गरिएको हो ।

काठमाडाैंका जिल्ला न्यायाधीश कमलप्रसाद पोखरेललाई उच्च अदालत जनकपुर, भक्तपुरका जिल्ला न्यायाधीश वासुदेव न्यौपानेलाई उच्च अदालत पाटन, पाल्पाका जिल्ला न्यायाधीश दलबहादुर केसीलाई उच्च अदालत तुलसीपुर नेपालगञ्ज इजलास, कपिलबस्तुका जिल्ला न्यायाधीश प्रकाशचन्द्र अधिकारीलाई उच्च अदालत दीपायल, चितवनका जिल्ला न्यायाधीश रमेशप्रसाद ज्ञवालीलाई उच्च अदालत पाटनमा नियुक्ति गरिएको छ ।

त्यस्तै, मोरङका जिल्ला न्यायाधीश उदयप्रसाद भट्टराईलाई उच्च अदालत विराटनगरको धनकुटा इजलास, उच्च अदालत पोखराका रजिष्ट्रार खड्गराज अधिकारीलाई उच्च अदालत दीपायल, उच्च सरकारी वकील कार्यालयका पाटनका सहन्यायाधिवक्ता शङ्कर खत्रीलाई उच्च अदालत जनकपुरको अस्थायी इजलास वीरगञ्ज, सर्वोच्च अदालतका रजिष्ट्रार अच्युत कुइँकेललाई उच्च अदालत पाटन, कानुन, न्याय तथा संसदीय मामिला मन्त्रालयका सहसचिव कोमलबहादुर खत्रीलाई उच्च अदालत सुर्खेतमा नियुक्त गरिएको छ ।

न्याय परिषद्ले कानून व्यवसायीबाट प्रतापसिंह ठकुराठीलाई उच्च अदालत तुलसीपुरको बुटवल इजलास, बालकृष्ण गैरेलाई उच्च अदालत पोखराको बाग्लुङ इजलास, श्यामकुमार विश्वकर्मालाई उच्च अदालत दिपायल र अरुणकुमार पंजियारलाई उच्च अदालत विराटनगरको अस्थायी इजलास ओखलढुङ्गामा नियुक्त गरेको छ ।

लेखकबाट थप:

• तेस्रो संस्करणको नेपाल प्रिमियर लिग : विराटनगरमाथि चितवनको जित
• सुनकाे मूल्य बढ्याे, चाँदीकाे मूल्य घट्याे (कतीमा काराेबार हुदै छ ?)
• कुरिनटारमा ट्रक, बस र माइक्रो एक आपसमा ठक्कर खादा ११ घाइते
• तरुण दलकाे स्थापना दिवस : गाेरखा अस्पतालमा फलफुल वितरण
• राजधानीबाटै १२० ग्राम ब्राउन सुगर सहित २ जना पक्राउ