गोरखा । सहिद लखन गाउँपालिकामा मातहतका जनप्रतिनिधि तथा कर्मचारीसंग कार्य सम्पादन करार सम्झौता गरिएको छ ।
गाउँपालिका अध्यक्ष रमेश बाबु थापामगरले पालिका उपाध्यक्षसहित वडाध्यक्षहरु, कार्यपालिका सदस्यहरु र प्रमुख प्रशासकीय अधिकृत संग कार्यसम्पादन करार सम्झौता गरेकाे हाे ।
गाउँपालिकाले पालिका भित्र सुशासन कायम गर्न र कार्य सम्पादनको स्तरवृद्धि तथा जवाफदेहिता सृजना गर्न पालिका अध्यक्षले मातहतका जनप्रतिनिधि तथा प्रमुख प्रशासकीय अधिकृतसंग कार्यसम्पादन करार सम्झौता गरेको जनाएकाे छ ।
गाउँपालिकाले सुशासन, व्यवस्थापन तथा सञ्चालन ऐन, २०६४ तथा नियमावली २०६५ बमोजिम मातहतका जनप्रतिनिधि तथा कर्मचारीहरुसंग कार्यसम्पादन करार सम्झौता पत्रमा हस्ताक्षर गरेकाे हाे ।
