काठमाडौं । नेपाली बजारमा साताकाे पहिलाे दिन आज सुन र चाँदी दुवैकाे भाउ बढेको छ ।
सुनको भाउ गतहप्ताकाे शुक्रबारकाे तुलनामा प्रतितोला ८०० रुपैयाँले बढेर ताेलाकाे १ लाख ९३ हजार ३०० रुपैयाँमा काराेबार भएकाे नेपाल सुनचाँदी व्यवसायी महासंघले जनाएकाे छ । गएकाे शुक्रबार सुनकाे भाउ ताेलाकाे १ लाख ९२ हजार ५०० रुपैयाँमा काराेबार भएकाे थियाे ।
त्यस्तैगरी, आइतबार नेपाली बजारमा चाँदीको भाउ प्रतितोला ५ रुपैयाँले बढेर ताेलाकाे २ हजार २८५ रुपैयाँ कायम भएकाे महासंघले जनाएकाे छ । गएकाे हप्ताकाे शुक्रबार चाँदी ताेलाकाे २ हजार २८० रुपैयाँमा काराेबार भएकाे थियाे ।