गोरखा । गोरखा–आँबुखैरेनी सडक नबन्दा सिंगो गोरर्खाली तात्कालिन देउराली गाउँ पञ्चायतको हटीया–बैटारी–मझुवा हुँदै पदैल हिडेर तनहुँको आँबुखैरेनी पुग्ने गर्दथे ।
आँबुखैरेनीबाट गोरखा बजार, पालुङटार पुग्न हिडेर छोटो पर्ने भएकाले अधिकांस मानिसहरु सोही बाटो हुँदै आउजाउ गर्दथे । बिंस २०४६ सालको राजनैतिक परिवर्तनपछि ०४९ सालमा स्थानिय मेघ बिलाष शर्मा खनालको पहलमा कच्ची सडक खुलाइयो ।
तर लामो समयसम्म सडकस्तरोन्नतीको काम अघि बढ्न सकेन् । साविकको देउराली गाविस हाल गोरखा नगरपालिका नम्बर १३ मा पर्ने उक्त सडक खण्डमा ट्रयाक खुलेको ३३ बर्षपछि कालोपत्र सुरु भएको छ ।
दर्जनौ गाउँ रहेको उक्त वडामा लामो प्रयासपछि नेपाली काँग्रेसकी राष्ट्रिय सभा सदस्य कमला पन्तले साँसद विकास कोषमार्फत बिनियोजन भएको १ करोडबाट सिंगो वडामा नै पहिलो पटक सडक कालोपत्र भएको गोरखा नगरपालिका–१३ की वडाध्यक्ष मित्रा परियारले बताईन ।
‘वडाबासीको मुख्य पदमार्ग भनेपनी सडक मार्ग भने पनी यही हो’ उनले भनिन् ‘कच्ची सडक खुलेको तिन दशक पछी गाउँमा पिच हुदा सवै वडाबासी खुसी छन् ।’
उनले आफु निर्वाचित भए लगत्तै उक्त मार्गलाई पिच गर्ने बाचा जनता संग गरेको र अहिले पिच हुदा आफुलाई पनि खुशी लागेको उनले बताईन ।
गाउँमा सडक कालोपत्र सुरु भएपछि हेर्न आएका स्थानिय बिक्रम मल्ल पनि खुशी देखिन्थे । जलदेवी बनदेवी टोल बिकास संस्थाका अध्यक्षसमेत रहेका मल्लले बाटो पिच भएपछि स्थानियले उत्पादन गरेको तरकारी र मासुजन्य पशुपन्छी बजारसम्म लान सहज हुने बताए ।
साना शहरी बिकास कार्यालय कास्की अन्तरर्गत भएको उक्त काम चिराग कन्ट्रक्सनले ठेक्का पारेको थियो । रु ९६ लाख ४३ हजार ६२४ रुपैयाँ ५० पैसाको बजेट बिनियोजन भएको भएपनि ठेकेदार कम्पनीले ६६ लाख ३५ हजार ९३९ रुपैयाँ ५ पैसामा कबोल गरेको थियो ।
कन्ट्रक्सनले मझुवा–बैटारी–हटीयाँ खण्डमा ४०० मिटर कालो , ७५ मिटर ढलान र ५०० मिटरभन्दा बढी नाला निर्माण गरेको छ ।
सडक पिच भएसंगै १३ नम्बर भित्रका फेदीटोल, दराई गाउँ, जै कोट, सातदोबाटे, बैटारी, यु खर्क, पसैथोक, सुनारगाउँ, तल्लो हटिया, मनमस्ता, दमाई गाउँ, कामी गाउँ, सिमल थुम्की, ढकाल गाउँ, बेलघारी, ठिंमुरे र वडा नम्बर १४ को उपल्लो हटिया, कोट गाउँ, छाँकु र प्यूघर गाउँका बासिन्दालाई सहज हुनेछ ।