गोरखा । असार २४ गते रसुवाको भोटेकोशी नदीमा आएको बाढीमा परी बेपत्ता भएका २ जना गोरर्खालीहरुको परिवार सम्र्पकमा नआएपछी गोरखा प्रहरीले सूचना जारी गर्दै सम्पर्कमा आउन भनेको छ ।
जिल्ला प्रहरी कार्यालय गोरखाले आज एक सूचना जारी गर्दै बेपत्ता भनिएका २ जनाको शव फेलापारी रसुवा अस्पतालको शव गृहमा राखिएको तर परिवार हालसम्म सम्पर्कमा नआएकोभन्दै सम्र्पकमा आउन अनुरोध गरेको प्रहरी नायब उपरिक्षक एवं सूचना अधिकारी ईन्द्र प्रसाद सुवेदीले बताए ।
उनका अनुसार असार २४ गते बिहान ३ बजे चीनको तिब्बत न्यालमबाट आएको बाढीका कारण भोटेकोशीमा बाढी आउदा कन्टेनर चालक गोरखा जिल्ला, पालुङटार नगरपालिका–६ वतन भएका दिलबहादुर तामाङ र धनबहादुर बिक बेपत्ता भएका थिए ।
उनीहरुको मृत्त शरिर फेलापारी रसुवाको जिल्ला अस्पतालमा रहेको शव गृहमा राखिएको भएतापनी लामो समयसम्म पनि परिवार सम्पर्कमा नआएकोले सूचना जारी गर्दै तामाङ र बिकका परिवारजनलाई सम्र्पकमा आउन भनिएको सूचना अधिकारी सुवेदीले बताए ।
जारी सूचनामा उनीहरुका परिवार अन्यत्र स्थानमा समेत हुन सक्ने भएका कारण सम्पूर्ण समुदाय, पत्रकार, राजनितिक दल, स्थानिय निकाय र सम्पूर्ण संघ संस्थाहरुलाई मृतकहरुको पहिचान तथा सनाखत गरीदिन प्रेस बिज्ञप्ती मार्फत अपिल गरेको छ ।
