गोरखा । धार्चे गाउँपालिकाले आर्थिक वर्ष २०८१/०८२ को योजनागत तथा कार्यक्रमगत खर्चको विस्तृत विवरण सार्वजनिक गरेको छ । गाउँपालिकाले चालु आर्थिक बर्षमा कुल ७४.७३ प्रतिशत वित्तिय प्रगती हासिल गरेको गाउँपालिकाका प्रमुख प्रशासकीय अधिकृत काजीमान सुनारले जानकारी दिए ।
गाउँपालिकाले चालु तर्फ ८३.७१ प्रतिसत बजेट खर्च गर्न सफल भएको उनले बताए । कुल ३२ करोड ४२ लाख ७ हजार ७७८ बिनियोजन गरिएकोमा २७ करोड १४ लाख ७ हजार ४७५ रुपैया ६२ पैसा खर्च गरिएको प्रमुख प्रशासकीय अधिकृत सुनारको भनाई छ । त्यस्तै पुँजीगत तर्फ चालु आर्थिक बर्षमा ५८.८८ प्रतिसत बजेट खर्च गर्न सफल भएको उनले बताए ।
चालु आर्थिक बर्षमा गाउँपालिकाले पुँजीगत तर्फ १८ करोड ३८ लाख १ हजार २२२ रुपैयाँ बजेट बिनियोजन गरेकोमा १० करोड ८२ लाख २८ हजार ८६२ रुपैयाँ ४५ पैसा खर्च गरिएको छ । गाउँपालिकाले चालु आर्थिक बर्षमा पुँजीगत तथा चालु तर्फ कुल ५० करोड ८० लाख ९ हजार बजेट बिनियोजन गरेको थियो ।
जसमा कुल ३७ करोड ९६ लाख ३६ हजार ३३९ रुपैया ७ पैसा खर्च भएको प्रमुख प्रशासकीय अधिकृत सुनारले बताए । गाउँपालिकाले चालु आर्थिक बर्षमा सम्पन्न सवै योजना तथा कार्यक्रमहरुको रकम भुक्तानी गरेपछि वित्तिय प्रगती सार्वजनिक गरेको हो । भौगोलिक विकटताका विचमा पनि गाउँपालिकाले गरेको वित्तिय प्रगती अन्यन्तै सन्तोष जनक भएको उनको भनाई छ ।
आगामी वर्षहरुमा अझ बढी कार्यक्षमता र खर्चको प्रभावकारिता वृद्धि गर्न गाउँपालिका प्रतिबद्ध रहेको प्रमुख प्रशासकीय अधिकृत सुनारले बताए । गाउँपालिकाले सार्वजनिक सेवा पारदर्शी बनाउने उद्देश्यसहित वित्तिय प्रगती विवरण सार्वजनिक गर्ने अभ्यासलाई निरन्तरता दिँदै आएको छ ।