गोरखा । आज राष्ट्रिय धान दिवस । मानो खाएर मुरी उब्जाउने कथनका साथ आजका दिनदेखी किसानले आफ्नो खेतमा धान रोपाई सुरु गर्ने गर्दछन् ।
देशैभर आज धान दिवसलाई किसान र सरोकार वालाहरुले बिशेष रुपमा मनाउने गर्दछन् ।
संघ, प्रदेश हुदै स्थानिय तहमा विभिन्न कार्यक्रम गरी आज भिन्दाभिन्दै कार्यक्रम गरिएको बेला गोरखामा भने फरक दृष्य देखियो ।
पूर्व प्रधानमन्त्री डा.बावुराम भट्टराई र उनका धर्मपत्नी हिसीला यमीले खोप्लाङमा रहेको आफ्नो छोरी मानुषीको खेतमा रोपाई गरे । भट्टराई र यमीलाई साथ दिएका थिए गण्डकी प्रदेश सरकारका उर्जा, जलस्राेत तथा खानेपानी मन्त्री फणिन्द्र देवकाेटाले ।
पूर्व प्रधानमन्त्री डा.भट्टराईले बाउसेको काम गरे भने पूर्व मन्त्री समेत रहेकी हिसीलाले रोपाई गरेर धान दिवसलाई बिशेष रुपमा मनाइएको थियो ।
उनीहरुलाई साथ दिएको थियो स्थानिय मण्डली महिला कृषक क्लब र कृषि ज्ञान केन्द्र गोरखाले । क्लबले रोपाईएको आयोजना गरेको थियो भने ज्ञान केन्द्रले त्यसको ब्यवस्थान गरेको थियो ।
उनीहरुले पालुङटार नगरपालिका–१ को बेलबास टारमा रहेको छोरीको नाममा रहेको खेतमा रोपाई गरेर रोपाई महोत्सव–२०८२ लाई विशेष बनाएका थिए । उनीहरुले खेतम काम गर्दै गर्दा स्थानिय सबैले सहयाेग समेत गरेका थिए ।
तस्बिर : कैलासबावु श्रेष्ठ र बिराज त्रिपाठी