गोरखा । विना अनुमति राष्ट्रिय वन क्षेत्रको रुख कटान गरेको आरोपमा बारपाक दरौंदी हाइड्रो प्रालिका जनसम्पर्क अधिकृत कृष्ण पन्थी पक्राउ परेका छन् ।
बारपाक सुलिकोट गाउँपालिका–२ को राङरुङ क्षेत्रको राष्ट्रिय बन क्षेत्रको रुख बिना अनुमति कटान गरेको आरोपमा उनलाइ पक्राउ गरिएको डिभिजन वन कार्यालय गोरखाका प्रमुख मदन मोहन साडिल्यले जानाकारी दिए ।
उनका अनुसार हाइड्रो पावरबाट उत्पादित बिधुतको प्रशारण लाइन लान रुखहरू कटान गरेको पाइएको जानकारी दिदै विस्तृत विवरण संकलन भई रहेको छ ।
प्रमुख साडिल्यका अनुसार ब्यत्तीका जमिनमा भएका रुखहरु कटान गर्ने क्रममा झुक्किएर राष्ट्रिय बनको रुखहरु कटान भएको पक्राउ परेका अधिकृत पन्थीले स्विकार गरेका छन् ।
पन्थी अहिले जिल्ला प्रहरी कार्यालयको हिरासतमा राखेर अनुसन्धान भईरहेको पनि उनले बताए । अनुसन्धानमा अझै साता दिन लाग्ने भन्दै ाथ प्रमुख साडिल्यले बिस्तृत विवरण प्राप्त हुनास बन पैदावार हानि नोक्सानी शीर्षकमा मुद्दा दर्ता गरी बन ऐन २०७६ अनुसार कानुनी कारबाही प्रक्रिया अघि बढाइने बताए ।