कुनचाग घले/ईराक, बाग़दाद । गैर आवासिय नेपाली संघ राष्ट्रिय समन्वय परिषद इराककाे समन्वयमा बगदादमा जारी घुम्ति शिविर सकिएकाे छ ।
ईराकमा रहेका नेपालीहरुलाई सेवा दिने उद्धेश्य सहित आयाेजित घुम्ति शिविर ४ दिनसम्म चलेकाे गैर आवासिय नेपाली संघ राष्ट्रिय समन्वय परिषद इराकले जनाएकाे छ ।
शिविरमा ५० जना नेपालीहरुले सेवा लिएका थिए । शिविरमा राहदानी नविकरण र यात्रा अनुमतीकाे नविकरणकाे काम भएकाे थियाे ।
गैर आवासिय नेपाली संघ राष्ट्रिय समन्वय परिषद इराककाे समन्वयमा बगदाद सुलेमानीमा रहेकाे एनआरएन का अध्यक्ष बिनोद श्रेष्ठ र एनआरएनका अर्का सदस्य टीका विश्वकर्माको विषेस पहलमाँ नेपाल सरकारकाे कुवेतमा रहेकाे राजदुतावासको घुम्ती शिविर सञ्चालनमा ल्याएकाे हाे ।
उक्त शिविरमा नेपाल सरकारका कुवेतमा रहेकाे राजदुतावासका प्रथम सचिव प्रेमराज गौतम र नवीन पराजुली ले सेवा प्रदान गरेका थिए । शिविर बागदाको कोरल होटलमा राखिएकाे थियाे ।
शिविर सम्पन हुनासाथ बगदादमा रहेका नेपालीहरुलाई परेका समस्याका बारेमा अन्तरक्रिया समेत गरिएकाे थियाे । कार्यक्रम थुप्रै नेपालीहरुकाे सहभागिता रहेकाे थियाे ।
अन्तरक्रिया कार्यक्रममा सहभागीहरुले नेपालबाट ईराक आउदा गैर कानूनी बाटाे प्रयाेग गरेर आएता पनि यहाँ आएपछी भने कानूनी प्रकृया पुरा गरेर मात्र काम गरीरहेकाे सहभागीहरुले बताएका थिए । सहभागी मध्य १ जनाले नेपालमा ईराकका बिषयमा भ्रम र्शिजना गरेकाे तर यहाँ हामीले शान्त वातावरणमा काम गरिरहेकाे बताए ।
नेपालबाट त्यहाँ गएका उनीहरुले बिगत १० बर्षदेखी काम गरिरहेकाे पनि अर्का १ जना सहभागीले अन्तरक्रियामा बताए ।
