गाेरखा । भारतबाट फर्केका सुदूरपश्चिमका ५ जनामा काेराेना संक्रमण पुष्टी भएकाे छ । कैलाली र अछामका ५ जनामा कोरोनाको सङ्क्रमण पुष्टि भएको हाे ।
गौरीफन्टा नाका हुँदै नेपाल फर्केका ३० जनाको ‘एन्टिजेन’ परीक्षण गर्दा ५ जनामा ‘पोजेटिभ’ देखिएको सुदूरपश्चिम प्रदेश स्वास्थ्य आपतकालीन कार्य सञ्चालन केन्द्रले जनाएकाे छ ।
कोरोना संक्रमण पुष्टि हुनेमा ३ जना कैलाली र २ जना अछामका रहेका छन् । सङ्क्रमित भएका उनीहरुलाई ‘होम क्वारेण्टीन’ मा बस्न परामर्श दिइएको छ ।
२ दिनअघि मात्रै गौरीफन्टा नाका भएर भारतबाट आएका ३६ जनाको एन्टिजेन परीक्षण गर्दा ३ जनामा कोरोना संक्रमण पुष्टि भएको थियो ।
संक्रमितहरुमा ज्वरो र रुघाखोकीको समस्या रहेको छ । अहिले भारतमा कोरोनाको संक्रमण बढ्न थालेको छ । आपतकालीन सञ्चालन केन्द्रले सीमा नाकामा ३ दिनदेखि ‘हेल्थ डेस्क’ राखेर कोरानाको परीक्षण गर्दै आएको छ ।