प्रतिकात्मक तस्बिर
रूपन्देही । कर्णाली डेभलपमेन्ट बैंककाे २५० करोड रूपैयाँ भन्दा बढी रकम हिनामिना गरी फरार रहेका ब्यत्तीलाई प्रहरीले पक्राउ गर्न सफल भएकाे छ ।
तत्कालिन सञ्चालक/प्रमुख कार्यकारी अधिकृत बाँके नेपालगंज उपमहानगरपालिका-२० बस्ने सल्यान घर भएका ६५ वर्षीय राजेन्द्र वीर रायलाई केन्द्रीय अनुसन्धान ब्यूरोकाे प्रहरी टाेलीले पक्राउ गर्न सफल भएकाे हाे ।
फरार रहेका रायलाई प्रहरीले रूपन्देही सिद्धार्थनगर नगरपालिका-१ बेलहियाबाट पक्राउ गरेको ब्यूराेले जानकारी दिएकाे छ ।
पटक पटक सञ्चालक समिति अध्यक्ष पदमा रहि उक्त बैंकमा संकलन भएको बचत कर्ताहरूको २५० करोड रूपैयाँ भन्दा बढी रकम हिनामिना गरी फरार रहेका राजेन्द्रलाई बैंकिङ कसूर तथा सजाय ऐन, २०६४ अन्तर्गतको कसूरमा नेपाल राष्ट्र बैंकको समन्वयमा प्रहरीबाट थप अनुसन्धान भइरहेको छ ।