गोरखा । उत्तरी गोरखाको धार्चे गाउँपालिकामा महिलाको लागी सञ्चालित डकर्मी तालिम सम्पन्न भएको छ ।
महिलाहरुको क्षमता विकास तथा आयआर्जनमा सहयोग पुग्ने गरी सञ्चालित १ हप्ते आधारभूत डकर्मी तालिम सम्पन्न भएको हो ।
तालिममा पालिका भित्रको सातै वटा वडाबाट ३४ जना महिलाहरुको सहभागिता रहेको पालिकाले जनाएको छ ।
सहभागी महिलाहरुलाई गारो तथा पर्खाल लगाउने, प्लास्टर गर्ने, काठ चिर्ने लगायत डकमीं सीपहरु सिकाइएको प्रमुख प्रशासकीय अधिकृत काजीमान सुनारले बताए ।
सामान्य पर्खाल लगाउने, प्लास्टर गर्ने काम महिलाहरुले पनि सजिलै गर्न सक्छन् । पालिका भित्र संचालन हुने ठुला तथा साना योजनाहरुमा महिलाहरुको सहभागिता बढाएर उनीहरुको जीविकोपार्जन बढाउने पालिकाको उदेश्य रहेको छ । । पालिका भित्र हुने स्थानिय महिलाहरुलाई विकास निर्माणका योजनाहरुमा लगाउने र बाहिरबाट आउने कामदारलाई घटाउने उद्वेश्य सहित महिला लक्षित कार्यक्रम सञ्चालन गरेको प्रमुख प्रशासकीय अधिकृत सुनारले बताए ।
अहिले पुरुषहरु प्राय वैदेशिक रोजगारीमा जाने, गाउँमा प्राय महिलाहरु धेरै हुने भएकाले पनि महिलाहरुलाई आत्मनिर्भर गराउन र कामका लागि आवश्यक जनशक्ति तयार गर्न तालिम दिइएको उनले बताए ।
डकर्मीको काम महिलाहरुले पनि सजिलै गर्न सक्ने भएकाले तालिमका लागि पालिकाले महिलाहरुलाई बढी जोड दिएको उनले बताए । तालिम जेठ १ गतेबाट सञ्चालनमा आएको थियो ।
तालिमको लागी पालिकाले १६ लाख रुपैँया बिनियोजन गरेको पनि प्रमुख प्रशासकिय अधिकृत सुनाले जानकारी दिए ।