साङ्केतिक तस्वीर
रसुवा । रसुवामा करिब ८ किलो सुन बरामद गरिएको छ । चीनबाट नेपाल तर्फ ल्याउँदै गर्दा भन्सार नाकाबाट प्रहरीले सुन बरामद गरेको हो ।
१ किलाेका ७ वटा बिस्कुट र केही साना टुक्रामा रहेको सुन ७ किलो ५०० ग्नामभन्दा बढी रहेको र बरामद भएकाे सुनकाे परीक्षणको काम भइरहेको रसुवाका प्रमुख जिल्ला अधिकारी अर्जुन पौडेलले जानकारी दिए ।
स्याउ लिएर आएको कन्टेनरमा चालकको सिट नजिकै फल्स बटन बनाएर राखेकाे अवस्थामा सुन पाइएको रसुवा प्रहरीले जनाएकाे छ ।
सीमावर्ती बजार केरुङबाट सुन आइरहेको छ बिशेष सूचनाकाे आधारमा प्रहरीले सुन बरामद गरेको थियाे ।