काठमाडौं । स्वतन्त्र सांसद डा.अमरेशकुमार सिंहले कांग्रेसलाई जनजाति, मधेसी थारु विरोधी पार्टी भएको आरोप लगाए छन् ।
उनले जनजाति भएकै कारण नेपाल विद्युत् प्राधिकरणको कार्यकारी निर्देशकबाट कुलमान घिसिङलाई हटाइएको, जनजाति भएकै कारण ऊर्जा जलस्रोत तथा सिँचाइ राज्यमन्त्री कान्छाराम तामाङलाई हटाइएको र मधेसी भएको कारणले डा.सङ्गीता कौशललाई सिनियर भएर पनि स्वास्थ्य सचिव नबनाएको भन्दै काँग्रेस जनजाति, मधेसी थारु विरोधी पार्टी भएकाे बताए ।
प्रतिनिधिसभाको विशेष समयमा बोल्दै उनले सत्तारुढ दलहरू नेपाली कांग्रेस र नेकपा एमालेले उपसभामुख इन्दिरा रानामगरलाई जेठ महिनाभित्र हटाउन खोजिरहेको समेत बताएका छन् ।
उनले जनजाति महिला भएकै कारणले उपसभामुख राना मगरलाई हटाएर कांग्रेसका सांसदलाई उपसभामुख बनाउने तयारी गरिएको बताए ।