गोरखा । गोरखा प्रहरी हिजो ज्यान गुमाउने सिजल गुरुङ पावर हावसको चेक ड्याममा नभएर दरौंदी नदीमा पौडी खेल्ने क्रममा डुबेर ज्यान गएको जानाकारी दिएको छ ।
बिहीबार दिउसो १ः१० बजेको समयमा नदीमा पौडी खेल्ने क्रममा डुबेका उनको घटना स्थलमा नै ज्यान गएको इलका प्रहरी कार्यालय जौबारीका प्रहरी निरिक्षक किरण घिमिरेले बताए ।
बारपाक सुलिकोट गाउँपालिका–४ बस्ने १५ बर्षका सिजल गुरुङ हिजो अजिरकोट गाउँपालिका–५ को दरौंदी नदीमा पौडी खेल्ने क्रममा अचानक डुबेका थिए ।
उनको हिजो नै कानूनी प्रकृया पुरा गरी शव आफन्तको जिम्मा लगाएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी ईन्द्रप्रसाद सुवेदीले बताए ।
गएकाे बैशाख २६ गते शुक्रबार पनी गाेरखा नगरपालिका-१० काे छेवेटार बजार संगै रहेकाे दराैंदी नदीमा पाैडी खेल्ने क्रममा बारपाक सुलिकोट गाउँपालिका–८ पन्द्रुङ, गैरी छापका २३ बर्षिय आयुष गुरुङले ज्यान गुमाएका थिए ।
