साँकेतिक तस्बिर
हेटौंडा । हेटौंडा उपमहानगरपालिका-१५ रातोमाटेबाट नक्कली नोटसहित १ जना पक्राउ परेकाे छ ।
पक्राउ पर्नेमा सोही उपमहानगरपालिका-८ कमाने बस्ने धादिङ गंगाजमुना गाउँपालिका-२ घर भएका ४२ वर्षीय रामकृष्ण अधिकारी भएकाे मकवानपुर प्रहरीले पुष्टी गरेकाे हाे ।
उनलाई गएराति प्रहरीले नेपाली ५०० दरका १८६ थान नक्कली नोट सहित पक्राउ गरेको हो ।
प्रहरी चौकी रातोमाटेबाट खटिएको प्रहरीले महोत्तरीबाट हेटौंडा बजारतर्फ जाँदै गरेको बा.३३ प ९९८३ नम्बरको मोटरसाइकललाई जाँच गर्ने क्रममा उक्त नक्कली नोट फेला पारी चालक अधिकारीलाई पक्राउ गरेको हो ।
यस सम्बन्धमा आवश्यक अनुसन्धान गरिरहेको प्रहरीले जनाएको छ ।