फाईल तस्बिर
काठमाडौं । मर्मत संभारका लागी भन्दै नागढुंगा–पिपलामोड सडक आजदेखि १० दिनका लागी दैनिक ४ घण्टा बन्द हुने भएको छ ।
वैशाख २२ गतेदेखि ३१ गतेसम्म राति ११ बजेदेखि बिहान ३ बजेसम्म सवारी साधन सञ्चालनमा रोक लगाइएकाे नागढुंगा मुग्लिङ सडक योजनाले जनाएको हाे ।
सो समय अवधिमा काठमाडौंबाट नौबिसेतर्फ जाने हलुका तथा भारी सवारी साधनलाई नागढुंगा चेकपोस्टमा रोकिने छ भने नौविसेबाट काठमाडौंतर्फ आउने हलुका तथा भारी सवारी साधनलाई खत्रीपौवा पुलमा रोकिने छ ।
बिरामी बोकेका एम्बुलेन्स, प्रहरीका सवारीसाधन तथा दमकल भने आउजाउ गर्न पाउने छन् ।
उक्त समयमा सितापाइला–भीमढुंगा–रामकोट–धार्के सडकमार्ग वा सामाखुसी–टोखा–गुर्जेभञ्ज्याङ–छहरे–त्रिशूली (बेत्रावती)–गल्छी सडकमार्ग प्रयाेग गर्न आयाेजनाले आग्रह समेत गरेकाे छ ।
