हेटौंडा । हेटौंडामा शुक्रबार अपराह्न एक्कासि जमिन भासिदा सिङ्गल क्याप बाेलेरो बेपत्ता भएको छ ।
हेटौंडा उपमहानगरपालिका १६ र १७ सिमाना नजिकै गैरी गाउँमा सडक भासिएर ना ४ च ४८३३ नम्बरको बाेलेरो जिप भासिएर जमिनमुनि बेपत्ता भएको मकवानपुर प्रहरीले जनाएकाे हाे ।
प्रहरीका अनुसार रोकिराखेको ठाउँमा एक्कासि सडक भासिँदा उक्त जिप बेपत्ता भएको हो । गाडी भासिँदै गएपछि सडकमै पानीको दह बनेको छ ।
गाडीका चालक र सहचालकले भने गाडी जमिन भासिनुअघि नै निस्किएर जोगिएका थिए । जमिन भासिदा जिप ५ सेकेन्डमै हराएको प्रत्यक्षदर्शीहरुले बताए ।
गाडी भासिएको नजिकै माछापालन गरिएको पोखरी र बोरिङ समेत रहेको छ । बोरिङका कारण जमिन भासिन पुगेको अनुमान गरिएकाे छ ।
भासिएको गाडी निकाल्न पानीलाई निकास दिने तयारी भइरहेकाे पनी प्रहरीले जानकारी दिएकाे छ ।