काठमाडौं । सरकार र शिक्षक बिच भएकाे सहमतीमा विद्यालय शिक्षक कर्मचारी परिषद्ले असहमती जनाएकाे छ । उनीहरुले आजै नयाँ आन्दोलनका कार्यक्रम सार्वजनिक गर्ने जनाएको छ ।
नयाँ बानेश्वरस्थित रत्नराज्य माध्यमिक विद्यालयमा बसेको आकस्मिक बैठकले आजै साँझ ७ बजे आन्दोलनका नयाँ कार्यक्रम सार्वजनिक गर्ने निर्णय गरेको हो ।
सरकारसँगको सहमतिबारे असन्तुष्टि राख्दै विद्यालय कर्मचारीले विरोध जनाएका थिए । उक्त विरोधपछि महासंघका अध्यक्ष लक्ष्मीकिशोर सुवेदी प्रहरीसँगको समन्वयमा रत्नराज्यबाट बाहिरिएका थिए ।
लगत्तै बसेको परिषद्को बैठकले पुनः आन्दोलनमा जाने चेतावनी दिएको हो ।