गोरखा । गोरखामा पहिलो पटक सुकुम्बासीहरुलाई लालपूर्जा बितरण गरिएको छ । भूमी समस्या समाधान आयोग गोरखाले उत्तरी धार्चेको ४ घर परिवारलाई लालपूर्जा बितरण गरेको हो ।
लालपूर्जा पाउनेहरुमा धार्चे गाउँपालिका–१ हुलचुकका ४ जना सुकुम्बासी रहेको पालिकाकी उपाध्यक्ष सुनिला गुरुङले जानकारी दिईन ।
उपाध्यक्ष गुरुङका अनुसार मंगले बिक, राजु बिक, आईत सिं बिक र रामबहादुर कामीलाई हिजो शनिबार एक कार्यक्रम बिच लालपूर्जा बितरण गरिएको हो ।
जग्गा पाउनेहरुले बिगतमा आफुले भोगचलन गर्दै आएको जग्गा आयोगले उनीहरुकै नाममा पूर्जा बनाएर बितरण गरेको आयोगका गोरखा अध्यक्ष राजनराज पन्तले बताए ।
चारै जनालाई नेपाली काँग्रेसका गण्डकी प्रदेशका प्रमुख सचेतक एवं प्रदेश साँसद नन्दप्रसाद न्यौपानले बितरण गरेका थिए ।
आयोगले बितरण गरेको लालपूर्जामा मंगले बिकले २४१.१४, राजु बिकले २७४.२५, आईत सिं बिकले १९५.५० र रामबहादुर कामीलाई ३४० बर्ग मिटरको जमिन प्रदान गरीएको भूमी आयोग गोरखाका अध्यक्ष पन्तले बताए ।
लालपूर्जा बिरतण कार्यक्रममा जिल्ला समन्वय समितिका प्रमुख मोहनबहादुर थापा मगर, धार्चे गाउँपालिकाका प्रमुख र उप–प्रमुख लक्ष्मण गुरुङ र सुनिला गुरुङको समेत उपस्थिती रहेको थियो ।
तस्बिर : सुनिला गुरुङ
