साँकेतिक तस्बिर
काठमाडौं । काठमाडौंमा जारी शिक्षकहरूको प्रदर्शनका क्रममा शिक्षकहरु बिच नै कुटाकुट भएको छ ।
शनिबार दिउँसो काठमाडौं महानगरपालिका–१० स्थित बिजुलीबजारमा प्रदर्शनका क्रममा कैलालीको धनगडी उपमहानगरपालिका–१ का ५४ वर्षीय केशवराज जोशीमाथि शिक्षकहरुकाे एक समृहले कुटपिट गरेका हुन् ।
प्रहरीका अनुसार आपसी मतभेदका कारण १५/२० जना शिक्षकहरुले जोशी माथी हमला गरेका हुन् । कैलालीको धनगढी–१२ स्थित दुर्गा आधारभुत माध्यमित विद्यालयमा अध्यापन गराउने शिक्षक जाेशी शिक्षक महासंघकै आन्दोलनमा सहभागी हुन पुगेको बेला कुटपिट भएकाे प्रहरीले जनाएकाे छ ।
घटना लगत्तै प्रहरीले मिनभवनस्थित सिभिल अस्पताल पुर्याएर उनको उपचार गराएकाे थियाे ।