गोरखा । अदालतबाट कैद र जरिवाना फैसला भएपछी फरार भएका गोरखा मकैसिङका १ जना पुरुषलाई गोरखा प्रहरीले पक्राउ गर्न सफल भएको छ ।
प्रहरीले पक्राउ गरेका ब्यत्ती गण्डकी गाउँपालिका–१ मकैसिङका ईश्वर घिमिरे भएको जिल्ला प्रहरी कार्यालय गोरखाका प्रहरी निरिक्षक एवं सूचना अधिरकारी ध्रुवप्रसाद घिमिरेले जानकारी दिए ।
उनका अनुसार गोरखा जिल्ला अदालतबाट कैद र जरिवाना तोकिई फरार भएका प्रतिवादीहरु पक्राउ गर्न गठित फैसला कार्यान्वयन विशेष टोलीले उच्च अदालत पाटनको हेटौडा इजलासबाट ३ दिन कैद र २ लाख ८० हजार ८४४ रुपैयाँ जरिवाना र पिडित राहत कोषमा ११ हजार २३३ रुपैयाँ ७६ पैसा जम्मा गर्न फैसला भए लगत्तै ईश्वर फरार भएका थिए ।
२०७७ साल फागुन ११ गते भएको उक्त फैसला लगत्तै फरार भएका उनलाई गोरखा प्रहरीले ०८२ साल बैशाख ९ गते मंगलबार पक्राउ गरी गोरखा जिल्ला अदालतमा उपस्थित गराईएकोमा अदालतको आदेशले गोरखा कारागार चलान गरीएको सूचना अधिकारी घिमिरले बताए ।
बैशाख महिनाको ९ दिनमा गोरखा प्रहरीले त्यस्ता ७ जना फरार अभियुक्तहरु पक्राउ गरी १ महिना ५ दिन कैद र ८ लाख ३७ हजार २७५ रुपैयाँ जरिवाना असुल गर्न सफल भएको छ ।