काठमाडौं । निजामती कर्मचारी ट्रेड युनियनले कक्षा १२ को परीक्षा संचालनमा निजामती कर्मचारी परिचालन गर्न खोजिएको भन्दै आपत्ती जनाएका छन् ।
मंगलबार प्रतिनिधिसभा अन्तर्गतको राज्य व्यवस्था तथा सुशासन समितिको बैठकमा बोल्दै युनियनका नेताहरूले आपत्ती जनाएका हुन् ।
नेपाल निजामती कर्मचारी युनियनका कार्यबाहक अध्यक्ष उत्तम कटुवालले १२ कक्षाको परीक्षामा निजामती कर्मचारी परिचालन गर्न खोजिएको भन्दै हाम्रो असहमति छ भने ।
शिक्षकहरूको आन्दोलन प्रति आफूहरूको पनि समर्थन रहेको भन्दै उनले शिक्षक आन्दोलन कमजोर बनाउने प्रयासलाई समर्थन गर्न नसकिने बताएका हुन् ।
नेपाल निजामती कर्मचारी संगठनका अध्यक्ष अम्बादत्त भट्टले पनि कक्षा १२ को परीक्षा संचालनमा निजामती कर्मचारी परिचालन गर्न खोजिएकोमा आपत्ती जनाए ।
उनले सरकारले निजामती कर्मचारी हतियारकाे रुपमा प्रयाेग गर्न लागेकाे भन्दै आपत्ती जनाएकाे छ ।
