काठमाडाैं । नेपाल सुपर लिग (एनएसएल) फुटबलमा साविक विजेता ललितपुर सिटी एफसी र झापा एफसीले बराबरी खेलेका छन् ।
त्रिपुरेश्वरको दशरथ रङ्गशालामा हिजो भएको खेलमा झापाले ललितपुर सिटीसँग १–१ गोलको बराबरी खेलेको हो ।
योसँगै ललितपुर ६ खेलबाट १२ अङ्क बटुल्दै शीर्ष स्थानमा उक्लिएको छ ।
समान खेलबाट ५ अङ्क बटुल्दै झापा तेस्रो संस्करणको एनएसएलबाट बाहिरिएको छ । झापा एनएसएल इतिहासमा सबैभन्दा बढी बराबरी खेल्ने टोली बनेको छ ।
३ संस्करणमा १५ खेल खेलेको झापाले ९ खेल बराबरीमा सक्काएको छ । झापाले यो संस्करणमा मात्रै ५ बराबरी खेलेर कुनै पनि खेल नजिती प्रतियोगिताबाट बाहिरिएको हो ।
नेपाल सुपर लिग (एनएसएल) फुटबलमा आज धनगढी एफसी र एफसी चितवन खेल्दैछन् ।