गोरखा । राष्ट्रिय स्तरको यु–१३ राष्ट्रिय फुटबल प्रतियोगिता आजदेखी गोरखा सदरमुकाममा हुदै छ । द ओसन क्लब गोरखाको आयोजनामा हुने उक्त प्रतियोगिता गाेरखा नगरपालिका-९ मा रहेकाे क्लबकाे आफ्नै घाँसे मैदानमा हुने भएकाे हाे ।
आजदेखी सुरु हुने खेलमा पहिलाे खेल नारायणगढ फुटबल क्लब चितवन र घोडोघोडी फुटबल क्लब कैलाली बिच बिहान ९ बजे हुने भने लगत्तै १० बजे हिल्ली फिल्डर्स गोरखा एफ सी र समाज कल्याण खेलकुद केन्द्र क्लब काठमाडौं बिच हुने छ ।
त्यस्तैगरी, बिहान ११ बजे नव जागृती भेट्रान्स क्लब सिमरा र पटिहानी फुटबल क्लब चितवन हुने छ भने लगत्तै दिउसाे १ बजे द ओल्ड क्यापिटल मावि रानिबन गोरखा र आयोजक द ओसन क्लबको समेत प्रतियोगितामा सहभागिता हुने अध्यक्ष खत्रीले जानकारी दिए ।
पहिलाे दिन आज ८ खेल हुने छ । दिउसाे २ बजे हुने खेलमा थ्री स्टार क्लब ललितपुर र जि एण्ड ए एकेडेमी काठमाडौं बिच प्रतिस्पर्धा हुने छ भने ३ बजेकाे खेलमा लक्ष्मी सामुदायिक शिक्षा सदन लक्ष्मी बजार गोरखा र कटारी टाईगर फुटबल क्लब उदयपुर बिच प्रतिस्पर्धा हुने छ ।
दिउसाे ४ बजे हुने खेलमा नारायणगढ फुटबल क्लब चितवन र समाज कल्याण खेलकुद केन्द्र क्लब काठमाडौं बिच प्रतिस्पर्धा हुने छ भने आजकाे अन्तिम खेल ५ बजे घोडोघोडी फुटबल क्लब कैलाली र हिल्ली फिल्डर्स गोरखा एफ सी बिच हुने छ ।
खेल लिगकम नकआउटको आधारमा खेलाईने छ खेलकाे उद्घाटन गाेरखा नगरपालिकाका मेयर कृण्णबहादुर राना मगरले गनेृ छन् ।
‘गोरखाको गौरव गोरखाको शान युवा फुटबल फुटबल बिकास हाम्रो अभियान’ नारा दिएको प्रतियोगितामा देशैभरका १२ समूहले सहभागिता रहेकाे छ ।
५ दिनसम्म चल्ने प्रतियोगितामा प्रतियोगिहरु बिच कुल ३९ खेल हुने छ । एउटा समूहले कम्तीमा पनि ५ खेल खेल्ने छ ।
प्रतियोगितामा बिजेतालाई रनिङ ट्रफी सहित २५ हजार नगदका साथ मेडल र प्रमाण पत्र उप बिजेतालाइ १५ हजार नगदका साथै मेडल र प्रमाण पत्र प्रदान गरीने आयोजकले जनाएको छ ।
सोही प्रतियोगितामा प्लेट च्याम्पियन समूहले ट्रफी, मेडल र प्रमाण पत्र पाउने छ ।
खेल आउदो ०८२ साल बैशाख १ गते सकिने अध्यक्ष अमिल खत्रीले जानकारी दिए ।
