गाेरखा प्रहरीले पक्राउ गरेकाे ब्यत्ती र उनीहरुबाट बरामद लागू ओैषध
गोरखा । गोरखा बजारबाट लागू औषध सहित प्रहरीले २ जनालाई पक्राउ गरेको छ । उनीहरुको साथबाट प्रहरीले ठुलो परिमाणमा लागू औषध बरामद गरेको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी ईन्द्रप्रसाद सुवेदीले बताए ।
पक्राउ पर्नेमा शहिद लखन गाउँपालिका–६ का २७ बर्षिय बिशाल बसेल र भिमसेन थापा गाउँपालिका–१ घर भई हाल गोरखा नगरपालिका–६ बस्दै आएका नरेश बराम भएको उनले जानकारी दिए ।
चैत्र १५ गते शुक्रबार दिउसो १ः३० बजेको समयमा गोरखा सदरमुकामको घ्याम्पेशाल बसपार्कमा शंकास्पद अवस्थामा बसेललाई प्रहरीले पक्राउ गरेको थियो । बसेलको साथबाट प्रहरीले लागू औषध Diazepam २ एम्पुल, Phenergan २ एम्पुल, NOOPHIN १ एम्पुल र IPPL १ एम्पुल फेला पारेको थियो ।
प्रहरीले बसेलले उक्त लागू औषध बरामबाट खरिद गरेको बयान दिएपछी उनको कोठा खनतलासी गर्दा प्रहरीले IPPL २१ एम्पुल, NOOPHIN ४६ एम्पुल, Diazepam ६७ एम्पुल, Phenergan ६७ एम्पुल गरी कुल २०१ एम्पुल बरामद गरेको थियो ।
पक्राउ परेका दुवै जनालाई प्रहरीले लागू औषध नियन्त्रण ऐन, २०३३ अन्रतर्गत मुद्वा दर्ता गरी अदालतबाट म्याद थप गरी अनुसन्धान थालेको सूचना अधिकारी सुवेदीले जानकारी दिए ।
गोरखा प्रहरीले केही समय यतादेखी लागू औषध ओसार पसार तथा बिक्री बितरण एवं सेवन कर्ताहरुको शुष्म अध्ययन गरी रहेको छ ।